ގައުމީ އިއްތިހާދު ޕާޓީ އުވާލައިފި

ކުރީގެ ރައީސް ޑރ. މުހައްމަދު ވަހީދު ހަސަން މަނިކު އިސްކޮން ހުންނަވައިގެން އުފެއްދެވި ގައުމީ އިއްތިހާދު ޕާޓީ އުވާލައިފި އެވެ.

އިލެކްޝަންސް ކޮމިޝަނުން ބުނީ ގައުމީ އިއްތިހާދު ޕާޓީ އުވާލުމަށް އެ ޕާޓީގެ ކައުނަސިލުން ނިންމައި ފުރިހަމަ ކުރަން ޖެހޭ ކަންކަން ފުރިހަމަ ކުރުމަށްފަހު އެ ކޮމިޝަނަށް ހުށަހަޅާފައިވާތީ މިދިޔަ އަންގާރަ ދުވަހުން ފެށިގެން އެ ޕާޓީ އުވާލާފައިވާ ކަމަށެވެ.

ގައުމީ އިއްތިހާދު ޕާޓީ އުވާލުމަށް އެ ޕާޓީގެ ކައުންސިލުން ނިންމާފައިވަނީ މިދިޔަ އަހަރުގެ ޑިސެމްބަރު މަހުގެ 25 ވަނަ ދުވަހު އެވެ.

އޭގެ ފަހުން އެ ޕާޓީގެ ރައީސްގެ ގޮތުގައި ހުންނެވި ކުރީގެ ރައީސް ޑރ. ވަހީދު އާއި އެ ޕާޓީގެ ކައުންސިލް ބައެއް މެމްބަރުން ވަނީ ސަރުކާރު ހިންގާ މައި ޕާޓީ، ޕީޕީއެމްއާ ގުޅިވަޑައިގެންފަ އެވެ.