މިއަހަރުގެ މާޗް މަހު ބާއްވާ ރައްޔިތުންގެ މަޖިލީހުގެ އިންތިހާބުގައި އެމްޑީޕީގެ ޓިކެޓްގައި ވާދަކުރާނެ ކެންޑިޑޭޓުން ހޮވުމަށް މިހާތަނަށް ޕްރައިމަރީ ނުބާއްވާ 30 ދާއިރާއެއްގެ ވޯޓުލުން މިއަދު ފަށައިފި އެވެ.
އެމްޑީން މިއަދު ބާއްވާ 30 ދާއިރާގެ ވޯޓުލުން ކުރިއަށް ދާނީ މިއަދު ހަވީރު 4:00 ފެށިގެން މިރޭ 11:00 އަށެވެ.
މިއަދު ޕްރައިމަރީ ބާއްވާ ދާއިރާތަކަކީ ދިއްދޫ ދާއިރާ އާއި ކެލާ ދާއިރާ، އާއި ވައިކަރަދޫ ދާއިރާ އާއި މަކުނުދޫ ދާއިރާ އާއި ކަނޑިތީމް ދާއިރާ އާއި މަނަދޫ ދާއިރާ އާއި ވެލިދޫ ދާއިރާ އާއި އުނގޫފާރު ދާއިރާ އާއި އިނގުރައިދޫ ދާއިރާ އާއި ކެންދޫ ދާއިރާ އާއި ނައިފަރު ދާއިރާ އާއި ތިމަރަފުށި ދާއިރާ އާއި ކިނބިދޫ ދާއިރާ އާއި ގަމު ދާއިރާ އާއި ފޮނަދޫ ދާއިރާ މާވަށު ދާއިރާއާއި ވިލިނގިލި ދާއިރާ އާއި ދާންދޫ ދާއިރާއާއި ފުވައްމުލައް އުތުރު ދާއިރާ އާއި ތިނަދޫ އުތުރު ދާއިރާ އާއި ތިނަދޫ ދެކުނު ދާއިރާއާއި ފަރެސް މާތޮޑާ ދާއިރާ އާއި މަޑަވެލި ދާއިރާ އާއި އައްޑޫ ސިޓީގެ ހިތަދޫ މެދު ދާއިރާ އާއި ހިތަދޫ ދެކުނު ދާއިރާ އާއި ފޭދޫ ދާއިރާ އާއި މަރަދޫ ދާއިރާ އާއި ތުލުސްދޫ ދާއިރާ އާއި ފެލިދޫ ދާއިރާގެ އިތުރުން ދިއްގަރު ދާއިރާއެވެ.
އެމްޑީޕީގެ ޕްރައިމަރީގައި މާލޭގައި ވޯޓްލާ ތަންތަނަކީ އިމާދުއްދީން ސްކޫލާއި ކަލާފާނު ސްކޫލާއި މާލޭ ސިޓީ ހޯލާއި ތާޖުއްދީން ސްކޫލުގެ އިތުރުން ދަރުބާރުގެ އެވެ.
ރައްޔިތުންގެ މަޖިލީހަށް ބެމްބަރުން އިންތިހާބުކުރާ 85 ދާއިރާގެ ތެރެއިން 55 ދާއިރާއެއްގެ އެމްޑީޕީ ޓިކެޓް ލިބޭ ފަރާތްތައް މިހާރު ވަނީ ކަށަވަރު ވެފަ އެވެ. ޕްރައިމަރީއަކާ ނުލައި މަޖިލީހުގެ މިހާރު ތިއްބެވި އެމްޑީޕީ ޕާލަމެންޓްރީ ގްރޫޕުގެ 10 މެމްބަރުންނަށް ވަނީ ޓިކެޓް ކަށަވަރުވެފަ އެވެ.
date_range
ބުދަ 15 ޖެނުއަރީ 2025