މެލޭޝިއާގެ ކުރީގެ ބޮޑުވަޒީރު ޑރ. މަހާތީރު މުޙައްމަދުގެ އަނބިކަނބަލުން، ޑރ. ސިޓި ޙަސްމާ މުޙަައްމަދު ޢަލީ އަވަހާރަވުމާ ގުޅިގެން، ރައީސް ޑރ. މުޙައްމަދު މުޢިއްޒު ތަޢުޒިޔާގެ މެސެޖެއް ފޮނުއްވައިފިއެވެ.
އެ މަނިކުފާނު ފޮނުއްވި މެސެޖުގައި ވަނީ، އެ ކަމަނާއަކީ މެލޭޝިއާގައި އުފެދުނު އެންމެ ފުރަތަމަ އަންހެން ޑޮކްޓަރުންގެ ތެރޭގައި ހިމެނިވަޑައިގަންނަވާ ބޭފުޅެއް ކަމަށާއި މައިންގެ ސިއްޙަތާއި، ރަށްފުށު ހިސާބުގައި ދިރިއުޅޭ އަންހެނުންގެ ތަރައްޤީއަށް މަސައްކަތްކުރެއްވި ބޭފުޅެއް ކަމަށް ވިދާޅުވެފައެވެ.
އޭގެ ސަބަބުން މި ހިތާމަވެރި ދަނޑިވަޅުގައި، އެ ކަމަނާ ޒިކުރާކުރެވިގެންދާނީ ޝުކުރުވެެރިކަމާއި ޤަދަރުވެރިކަމާއެކު ކަމަށް ވެސް ރައީސް މުއިއްޒު ވިދާޅުވިއެވެ.
ޑރ. ސިޓި ޙަސްމާ މުޙަައްމަދު ޢަލީގެ ޖަނާޒާގައި މެލޭޝިއާގެ ކުރީގެ ބޮޑުވަޒީރު ޑރ. މަހާތީރު މުޙައްމަދު --- ފޮޓޯ/ އުޓުސަން އޮންލައިންމީގެ އިތުރުން، މިންތީގެ ހަމަހަމަކަން ގާއިމުކުރުމާއި އާއިލާތަކުގެ ފުދުންތެރިކަން އިތުރުކުރުމަށް އެކަމަނާގެ އިސްނެންގެވުމާއެކު ހިންގުނު ކާމިޔާބު މަޝްރޫޢުތަކަށްވެސް ރައީސްގެ މެސެޖުގައި އަލިއަޅުއްވާލައްވާފައިވެއެވެ.
އެ މަނިކުފާނުގެ މެސެޖުގައި ވަނީ، ދިވެހި ސަރުކާރާއި ރައްޔިތުންގެ ނަމުގައި، މެލޭޝިއާގެ ކުރީގެ ބޮޑުވަޒީރަށާއި އެމަނިކުފާނުގެ ޢާއިލާއަށް ތަޢުޒިޔާ ފޮނުއްވާފައެވެ. އަދި މި ހިތާމައިގައި ބައިވެރިވާ އެންމެހާ ފަރާތްތަކަށް، ކެތްތެރިކަން ދެއްވުމަށް ދުއާކުރައްވާކަން ވަނީ ފާހަކުރައްވައިފައެވެ.
އެ މަނިކުފާނު ވަނީ، މަރުޙޫމްގެ ހަޔާތާއި ޚިދުމަތާއި އުސޫލުތަކުގެ ޒިކުރާއިން ހިތްވަރާއި ތަސައްލީ ލިބި، ޑރ. ސިޓި ޙަސްމާ މުޙަައްމަދަށް ސުވަރުގޭގެ އެންމެ މަތީ ދަރަޖަ ދެއްވުމަށް އެދިވަޑައިގެން ދުއާކުރައްވާފައެވެ.
ޑރ. ސިޓި ހަސްމާ އަވަހާރަވެވަޑައިގަތީ އުމުރުފުޅުން 100 އަހަރުގައެވެ. ޑރ. ސިތީ ޙަސްމާ ޖަނާޒާ ބާއްވައި، އެކަމަނާގެ ފަސްދާނުލައްވާފައި ވަނީ، މެލޭޝިއާގެ ވެރިރަށް ޕުތުރަޖާޔާގެ ޤަބުރުސްތާނެއްގައެވެ.