ކޮމާޝަލް ބޭންކް އޮފް މޯލްޑިވްސް (ސީބީއެމް) އަށް 10 އަހަރު ފުރުން ފާހަގަކުރަމުންދާއިރު އެ ބޭންކުގެ ރީޓެއިލް ކަސްޓަމަރުންނަށް ޚާއްސަކޮށްގެން 'މައި ސީބީއެމް'ގެ ނަމުގައި އާ ޑިޖިޓަލް އެޕްލިކޭޝަނެއް އިފްތިތާހުކޮށްފިއެވެ.
މި އެޕްލިކޭޝަން ތާރަފުކޮށްފައި ވަނީ އެ ބޭންކަށް 10 އަހަރުފުރުން ފާހަކުރުމަށް ބޭއްވި ޚާއްސަ ރަސްމިއްޔާތުގައެވެ.
މި އެޕްލިކޭޝަނަކީ ކުރިން ހުރި ހިދުމަތްތަކުގެ އިތުރުން، ގިނަ އާ ފީޗާތަކަކާއެކު ބޭނުންކުރަން ފަސޭހަ އަދި ލުއިފަސޭހަވާނެހެން ފަރުމާކޮށްފައިވާ އެޕެއް ކަމަށް އެބޭންކުން ވަނީ ބުނެފައެވެ.
'މައި ސީބީއެމް'ގެ ނަމުގައި އެޕްލިކޭޝަނަކާއި ވިސާ ކާޑުތަކެއް ތައާރަފުކުރުމަށް ބޭއްވި ރަސްމިއްޔާތުގެ ތެރެއިން -- ފޮޓޯ: ސީބީއެމްމީގެ އިތުރުން، އެ ރަސްމިއްޔާތުގައި ވިސާ ކޯޕަރޭޓް ކާޑުތައް ކަމަށްވާ 'ވިސާ ބިޒްނަސް ޑެބިޓް ކާޑު' އަދި 'ވިސާ ކޯޕަރޭޓް ކްރެޑިޓް ކާޑު' ވެސް ވަނީ ތައާރަފުކޮށްފައެވެ.
މިއީ ރާއްޖޭގެ ވިޔަފާރިތަކަށް އެ ބޭންކުން ފޯރުކޮށްދޭ ޕޭމަންޓް ސޮލިއުޝަންތައް އިތުރަށް ފުރިހަމަކުރުމަށް އެޅުނު މުހިންމު ފިޔަވަޅެއް ކަމަށް އެ ބޭންކުން ބުނެއެވެ. މިއީ ކަސްޓަމަރުންނަށް އީޖާދީ އަދި ލުއިފަސޭހަ މާލީ ޚިދުމަތްތައް ފޯރުކޮށްދިނުމަށް އެ ބޭންކުން ކުރަމުންދާ މަސައްކަތުގެ ތެރެއިން ހާސިލުކުރެވުނު އާ ހަރުފަތެއްގެ ގޮތުގައި އެ ބޭންކުން ފާހަގަކުރެއެވެ.
'މައި ސީބީއެމް'ގެ ނަމުގައި އެޕްލިކޭޝަނަކާއި ވިސާ ކާޑުތަކެއް ތައާރަފުކުރުމަށް ބޭއްވި ރަސްމިއްޔާތުގެ ތެރެއިން -- ފޮޓޯ: ސީބީއެމްއެ ބޭންކުން ވަނީ 'ސީބީއެމް ވިސާ ބިޒްނަސް ޑެބިޓް ކާޑު' އަދި 'ސީބީއެމް ވިސާ ކޯޕަރޭޓް ކްރެޑިޓް ކާޑު' މެދުވެރިކޮށް، ކުންފުނިތަކުގެ ދުވަހުން ދުވަހަށް ކުރަންޖެހޭ ޚަރަދުތައް ބެލެހެއްޓުމުގައި އިތުރު ލުއިތަކާއި ފުރިހަމަ ކޮންޓްރޯލް ލިބޭނެ ކަމަށް ބުނެފައެވެ.
އަދި މި ކާޑުތަކުގެ ސަބަބުން ވިޔަފާރިތަކަށް ރައްކާތެރިކަމާއެކު އަވަހަށް ފައިސާގެ މުއާމަލާތްތައް ހިންގުމުގެ މަގު ފަހިވެ، ނަގުދު ފައިސާއަށް ބަރޯސާވުން ކުޑަވެގެންދާނެ ކަމަށާއި އޭގެ ސަބަބުން ކުންފުނީގެ ޚަރަދުތައް ތަރުތީބުކޮށް ބެލެހެއްޓުމަށް ބޮޑު އެހީތެރިކަމެއް ލިބިގެންދާނެ ކަމަށް އެ ބޭންކުން ވަނީ ބުނެފައެވެ.