ގޫގުލްއިން ޖެމިނައި އެޕްލިކޭޝަންގެ މައި ޗެޓް ތަޖުރިބާއާއި ޖެމިނައި ލައިވަށް ޚާއްސަކޮށްގެން އައު އަޑުތަކެއް ތައާރަފުކުރަން ފަށައިފިއެވެ.
މި ބަދަލާ އެކު ޖެމިނައިގެ ސެޓިންގްސްގައި ހިމެނޭ ވޮއިސް ޕިކާގެ ފަރުމާއަށް ވެސް ވަނީ ބޮޑު ބަދަލެއް ގެނެސްފައެވެ. ކުރިން ކަރޫސަލް އެއްގެ ބައްޓަމަށް ފެންނަން ހުރި އަޑުތައް މިހާރު ފެންނަން ހުންނާނީ ލިސްޓެއްގެ ބައްޓަމަށެވެ.
މި ފަހަރުގެ އަޕްޑޭޓުގައި "ފްލެއާ"އާއި "ގްލޯ"ގެ ނަމުގައި ދެ އައު އަޑެއް ވަނީ އިތުރުކޮށްފައެވެ. މި ދެ އަޑު ތައާރަފުކޮށްފައިވަނީ ކުރިން ބޭނުންކުރަމުން އައި "ނޯވާ"އާއި "ލައިރާ"ގެ އަޑުގެ ބަދަލުގައެވެ.
މީގެ އިތުރުން، ޖެމިނައިގެ އަޑުތައް ހޮވުމުގައި ފަސޭހަކުރުމަށްޓަކައި ބޭނުންކުރި ބައެއް އިތުރު ތަފުސީލީ ސިފަކުރުންތައް މި އައު ރީޑިޒައިނާ އެކު ވަނީ އުނިކޮށްފައެވެ. އަޑުތަކަށް ގެނައި ބަދަލުތަކުގެ އިތުރުން، އެންޑްރޮއިޑް ފޯނުތަކުގެ ހޯމް ސްކްރީންގައި ބޭނުންކުރާ ޖެމިނައި ވިޖެޓްގެ އައިކަންތަކަށް ވެސް ވަނީ އައު ދިރުމެއް ދީފައެވެ.
"ނިއުރަލް އެކްސްޕްރެސިވް" ފަރުމާގެ ދަށުން ވިޖެޓްގައި ހިމެނޭ މައިކްރޯފޯން، ކެމެރާ، ގެލެރީ، ފައިލް، ވީޑިއޯ، ސްކްރީންޝެއާ އަދި ލައިވް ފަދަ އައިކަންތަކުގެ ރާސްތާތައް މިހާރު ފެންނާނީ މާ ފުރިހަމަކޮށް، ހިމަ ރޮނގުތަކަކުން ފާހަގަކުރެވޭ ގޮތަށެވެ.
މި އައު ބަދަލުތައް މިހާރު ޔޫޒަރުންނަށް ލިބެމުންދަނީ ސާވާ-ސައިޑް އަޕްޑޭޓެއްގެ ގޮތުގައެވެ.
ކުރީގެ ވާޝަން (ވ) އާއި ފަހުގެ ވާޝަންގެ ތަފާތު ---
މި ބަދަލު ފެންނާނީ ޖެމިނައިގެ އެންމެ ފަހުގެ އެޕްލިކޭޝަން ވާޝަން ބޭނުންކުރާ ފަރާތްތަކަށެވެ. ހަމައެއާ އެކު، މިއަދުގެ ގޫގުލް އެޕް އަޕްޑޭޓްގައި، ޕްލަސް މެނޫގައި ހުންނަ ގޫގުލް ޑްރައިވްގެ އައިކަން ވެސް ވަނީ އެންމެ ފަހުގެ ސްޓައިލަށް ބަދަލުކޮށްފައެވެ.
ޖެމިނައި ލައިވްއަކީ ގޫގުލްއިން ފޯނުތަކަށް ތައާރަފުކުރި، އިންސާނުންނާ ވާހަކަދައްކާ ފަދަ ގުދުރަތީ އަދި ފްލުއިޑް ގޮތަކަށް އޭއައިއާ މުޢާމަލާތްކުރެވޭ ޚާއްސަ ފީޗަރެކެވެ. މީގެ ކުރިން މި ފީޗާ ބޭނުންކުރެވެނީ ހަމައެކަނި "ޖެމިނައި އެޑްވާންސްޑް"ގެ ފަންތީގެ ފީޑް ސަބްސްކްރިޕްޝަން ޔޫޒަރުންނަށް ކަމަށްވީ ނަމަވެސް، ފަހުން ގޫގުލްއިން ވަނީ އެންޑްރޮއިޑް ބޭނުންކުރާ ހުރިހާ ފަރާތްތަކަށް މި ޚިދުމަތް ހިލޭ ލިބޭނެ ގޮތް ހަދާފައެވެ.
ކުރީގެ ވާޝަން (ވ) އާއި ފަހުގެ ވާޝަންގެ ތަފާތު ----
މި ސިސްޓަމްގެ އެންމެ ބޮޑު ބޭނުމަކީ ޔޫޒަރުންނަށް އެކި ކަންކަމުގައި ޚިޔާލު ހޯދުމާއި، އައު ކަންކަން ދަސްކުރުމާއި، އަދި އާންމު ދިރިއުޅުމުގެ އެކި މަސައްކަތްތައް ރޭވުމުގައި އެހީތެރިވެދޭނެ ފަދަ "ލައިވް" އެސިސްޓެންޓެއްގެ ތަޖުރިބާ ފޯރުކޮށްދިނުމެވެ.