ވައިގެ މަގުން ރާއްޖެއަށް އެތެރެކުރަން އުޅުނު ދެ ކިލޯއަށް ވުރެ ގިނަ މަސްތުވާތަކެއްޗާއެކު ހައްޔަރު ކުރި މެލޭޝީޔާ އަންހެން މީހާ، ވާނުވާ ބަންދަށް ލައިފިއެވެ.
ދެ ކިލޯގެ މަސްތުވާތަކެތީގެ މައްސަލައިގައި މެލޭޝިޔާ އަންހެނަކާއެކު ދިވެހި ދެ ފިރިހެނުން ހައްޔަރު ކުރިއެވެ. އެ މީހުން ހައްޔަރުކޮށްފައި ވަނީ ފެބުރުވަރީ 28, 2026 ވަނަ ދުވަހު ހިންގި އޮޕަރޭޝަނެއްގައެވެ.
މި މައްސަލައާ ގުޅިގެން ހައްޔަރުކޮށްފައި ވަނީ މެލޭޝިއާގެ ރައްޔިތެއް ކަމަށްވާ ރަންޖިނި ޖީވަނަންތަން (38އ) އާއި، ގދ. ވާދޫ/ ފުރުސަތު، ލޫޠު އިބްރާހީމް (29އ) ގެ އިތުރުން ގއ. ދާންދޫ/ ސަންލައިޓްވިލާ، އަޙްމަދު ރިޝްމާހް (21އ) އެވެ.
މި ތިން މީހުންގެ ތެރެއިން އަންހެން މީހާގެ ބަންދު، ވާނުވާ ބަންދަށް ބަދަލު ކުރީ މިއަދުއެވެ.
މި ތިން މީހުންގެ ތެރެއިން ރަންޖިނި ޖީވަނަންތަން ހައްޔަރުކޮށްފައި ވަނީ ވެލާނާ އިންޓަނޭޝަނަލް އެއާޕޯޓުންނެވެ.
ދެ ކިލޯއަށްވުރެ ގިނަ މަސްތުވާތަކެތި ވައިގެ މަގުން ރާއްޖެއަށް އެތެރެކުރަން އުޅުނު މެލޭޝިޔާ މީހާ ގެނައި ފޮއްޓަކީ ރައްޓެއްސަކު ދިން ފޮއްޓެއް ކަމަށާއި އޭނާ އައީ ވެސް ރައްޓެއްސަކު ދިން އޮފާއެއްގައި ކަމަށް އޭނާ ކޯޓުގައި ކުރިން ވަނީ ބުނެފައެވެ.
އެ ފޮއްޓާ މާލެއިން މީހަކު ހަވާލުވާނެ ކަމަށް ވެސް އޭނާއާ ހަވާލާދީ ކުރީގެ ބަންދު ރިޕޯޓުގައި ބުނެފައިވެއެވެ. އޭގެ އިތުރުން، އެ އަންހެން މީހާ ރާއްޖެއަށް އައީ އެންމެ ތިން ދުވަހަށް ކަމަށް ވެސް އޭނާއާ ހަވާލާދީ ބަންދު އަމުރުގައި ބަޔާންކޮށްފައިވެއެވެ.
ދެ ކިލޯއަށް ވުރެ ގިނަ މަސްތުވާތަކެތި ވައިގެ މަގުން ރާއްޖެއަށް އެތެރެކުރަން އުޅުނު މެލޭޝިޔާ މީހާ ގެނައި ފޮއްޓަކީ ރައްޓެއްސަކު ދިން ފޮއްޓެއް ކަމަށް އޭނާ ބުނެފައި ވަނިކޮށް، އެ ފޮށިގަނޑު ބަލައި ދިޔައީ ޖަލުގައި ހުރި ރައްޓެއްސަކު ބުނެގެން ކަމަށް އެ މައްސަލައިގައި ހިމެނޭ ލޫތު ވަނީ ބުނެފައެވެ. ކުރީގެ ބަންދު އަމުރުގައި ލޫތުއާ ހަވާލާދީ ބުނެފައިވާ ގޮތުގައި އެ ފޮށިގަނޑަކީ ޖަލުގައި ހުރި ރައްޓެއްސަކު ބުނެގެން ބަލާދިޔަ ފޮށިގަނޑެކެވެ.
މިއީ 28 ފެބުރުވަރީ 2026 ވަނަ ދުވަހު ދިވެހި ފުލުހުން ހިންގި ޚާއްޞަ އޮޕަރޭޝަނެއްގައި، ވެލާނާ އިންޓަނޭޝަނަލް އެއާޕޯޓުން ވައިގެ މަގުން ރާއްޖެއަށް އެތެރެކުރަން އުޅުނު ދެ ކިލޯއަށްވުރެ ގިނަ މަސްތުވާތަކެތި އަތުލައިގަނެ، އެ މައްސަލައިގައި ޝާމިލުވާ ފަރާތްތަކާމެދު އެޅިފައިވާ ފިޔަވަޅުތަކުގެ މައްޗަށް އެކުލަވާލެވިފައިވާ ޚުލާޞާއެކެވެ. މި ބޮޑު މައްސަލައިގެ ތުހުމަތުގައި ފުލުހުންގެ ބެލުމުގެ ދަށަށް ގެންގޮސްފައިވަނީ މެލޭޝިޔާއަށް ނިސްބަތްވާ އުމުރުން 38 އަހަރުގެ ރަންޖިނި ޖީވަނަންތަންގެ އިތުރުން، ދިވެހިރާއްޖެއަށް ނިސްބަތްވާ ދެ ފިރިހެނުން ކަމަށްވާ ގދ. ވާދޫ ފުރުސަތު، ލޫޠު އިބްރާހީމް (29އ) އަދި ގއ. ދާންދޫ ސަންލައިޓްވިލާ، އަޙްމަދު ރިޝްމާހް (21އ) އެވެ.
މި މައްސަލައިގެ ތަޙުޤީޤަށް ހުރަސްއެޅިދާނެތީއާއި، މުޖުތަމަޢުގެ ސަލާމަތާއި ރައްކާތެރިކަމަށްޓަކައި، ކޯޓުން މިއަދު ވަނީ މެލޭޝިޔާގެ އަންހެންމީހާ ޝަރީޢަތް ނިމެންދެން ބަންދުގައި ބެހެއްޓުމަށް އަމުރުކޮށްފައެވެ. ކޯޓުގެ މަޖިލީހުގައި އޭނާ ދީފައިވާ ބަޔާނަށް ބަލާއިރު، އޭނާ ރާއްޖެއަށް ދަތުރުކުރީ ރައްޓެއްސަކު ދިން ދައުވަތަކަށް އެންމެ ތިން ދުވަހުގެ މުއްދަތަށެވެ. އަދި މަސްތުވާތަކެތި ފެނުނު ފޮއްޓަކީވެސް އެ ރަޙުމަތްތެރިޔާ އޭނާއާ ހަވާލުކުރި އެއްޗެއް ކަމަށާއި، މާލެއިން އެހެން ފަރާތަކުން އެ ފޮއްޓާ ހަވާލުވާނެކަމަށް އޭނާ ވަނީ ބުނެފައެވެ.
މީގެ އިތުރުން، މި ފޮއްޓާ ހަވާލުވުމަށް އެއާޕޯޓަށް ދިޔަ ލޫޠު އިބްރާހީމްގެ ބަޔާނުގައި ފާހަގަކޮށްފައިވަނީ، އޭނާ އެތަނަށް ދިޔައީ މިހާރުވެސް ޖަލުގައި ހުކުމް ތަންފީޒުކުރަމުންދާ އޭނާގެ ރައްޓެއްސަކު އެދިގެން ކަމަށެވެ. މިކަމުން ދޭހަވަނީ މި ނެޓްވޯކަކީ ޖަލުގެ އެތެރެއިންނާއި ބޭރުން ރޭވިގެން ހިންގަމުންދާ ބޮޑު ޖަރީމާއެއް ކަމެވެ.
- 28 ފެބުރުވަރީ 2026 ގައި ހިންގި އޮޕަރޭޝަނެއްގައި ދެ ކިލޯއަށްވުރެ ގިނަ މަސްތުވާތަކެތި ވަނީ އަތުލައިގަނެފައެވެ.
- މި މައްސަލައިގައި މެލޭޝިޔާގެ އަންހެނަކާއި ދިވެހި ދެ ފިރިހެނުން ވަނީ ހައްޔަރުކޮށްފައެވެ.
- މެލޭޝިޔާގެ އަންހެންމީހާ ޝަރީޢަތް ނިމެންދެން (ވާނުވާ) ބަންދުގައި ބެހެއްޓުމަށް ކޯޓުން ވަނީ އަމުރުކޮށްފައެވެ.
- އަންހެންމީހާ ބުނާގޮތުން އެ ފޮއްޓަކީ ރައްޓެއްސަކު ދިން ފޮއްޓެކެވެ. އަދި އޭނާ ރާއްޖެއަށް އައީ އެންމެ ތިން ދުވަހަށެވެ.
- ފޮއްޓާ ހަވާލުވާން ދިޔަ ދިވެހި ފިރިހެންމީހާ ބުނެފައިވަނީ އޭނާ ދިޔައީ ޖަލުގައި ހުރި ރައްޓެއްސަކު ބުނެގެން ކަމަށެވެ.
