ރައީސް ޑޮކްޓަރ މުޙައްމަދު މުޢިއްޒާއި، ކުރީގެ ރައީސުން ކަމަށްވާ މުޙައްމަދު ނަޝީދާއި ޢަބްދުﷲ ޔާމީން ޢަބްދުލްޤައްޔޫމް، ކްރިމިނަލް ކޯޓުގެ އަމުރަކާ ޚިލާފުވެފައިވާކަމަށް ބުނެ، އަމިއްލަ ފަރާތަކުން އެ ކޯޓަށް މައްސަލައެއް ވަނީ ހުށަހަޅާފައެވެ. މި އަމުރަކީ ޝަރީޢަތް ހިނގަމުންދާ މައްސަލައަކާ ގުޅިގެން "އަދަދު" ނޫހުން އާންމުކުރި ވީޑިއޯ ޑޮކިއުމެންޓްރީއެއް މުޖުތަމަޢުގައި ދައުރުނުކުރުމަށާއި، އެއާ ގުޅޭ އެއްވެސް ވާހަކައެއް ނުދެއްކުމަށް ކްރިމިނަލް ކޯޓުން ނެރުނު އަމުރެކެވެ. މިއީ މުޅި މުޖުތަމަޢަށް އަމާޒުކޮށް ނެރެފައިވާ އަމުރެއްކަމަށްވާއިރު، މީގެ ސަބަބުން ނޫސްވެރިންނާއި އާންމުންގެ އަސާސީ ޙައްޤުތަކަށް އުނިކަން ލިބޭކަމަށް ފާހަގަކުރެވިފައިވެއެވެ.
މި މައްސަލައިގެ ތެރެއިން "އަދަދު" ނޫހުގެ ދެ ނޫސްވެރިއަކު ވަނީ ޖަލަށްލާފައެވެ. އަދި އެ ނޫހުގެ އިސްވެރިންގެ މައްޗަށް ޤާނޫނުލްޢުޤޫބާތުގެ ދަށުން ގަޒުފުކުރުމުގެ ދަޢުވާ އުފުލައި، ޝަރީޢަތް ވަނީ ސިއްރުކޮށްފައެވެ. މޯލްޑިވްސް ޖާނަލިސްޓްސް އެސޯސިއޭޝަނުން މި އަމުރު ހައިކޯޓުގައި އިސްތިއުނާފުކުރަން މަސައްކަތްކުރުމުން، އެކަމުގެ ޙައްޤު އެ ފަރާތަށް ނެތްކަމަށް ބުނެ ކޯޓުގެ ރަޖިސްޓްރާ ވަނީ މައްސަލަ ބަލައިނުގަނެފައެވެ. އެހެންނަމަވެސް، އެ ނޫހުގެ ސީއީއޯގެ ފަރާތުން މިހާރު ވަނީ މި މައްސަލަ އިސްތިއުނާފުކޮށްފައެވެ.
ނޫސްވެރިން ޖަލަށްލުމަކީ ޑިމޮކްރެޓިކް ވެރިކަމެއްގެ އަސާސްތަކަށް ދެވޭ ޙަމަލާއެއްކަމަށް ބުނެ ޓްރާންސްޕޭރެންސީ މޯލްޑިވްސްއިން ވަނީ މިކަން ކުށްވެރިކޮށްފައެވެ. ހަމައެއާއެކު، ކޯޓު އަމުރާ ގުޅިގެން އިލެކްޝަންސް ކޮމިޝަނުން ވެސް ވަނީ ސިޔާސީ ޕާޓީތަކަށް އެ ޑޮކިއުމެންޓްރީގެ ވާހަކަތައް އާންމުނުކުރުމަށް އަންގާފައެވެ. މި ހުރިހާ ކަމެއްގެ ސަބަބުން ނޫސްވެރިކަމުގެ މިނިވަންކަމާމެދު ބޮޑެތި ކަންބޮޑުވުންތަކެއް ވަނީ އުފެދިފައެވެ.
- އަމިއްލަ ފަރާތަކުން ކްރިމިނަލް ކޯޓަށް ހުށަހެޅި ސިޓީގައި ރައީސް މުޢިއްޒާއި ކުރީގެ ދެ ރައީސުން ކޯޓުގެ ގެގް އޯޑަރާ ޚިލާފުވިކަމަށް ވަނީ ތުހުމަތުކޮށްފައެވެ.
- އަމުރާ ޚިލާފުވިކަމަށް ބުނެ "އަދަދު" ނޫހުގެ ދެ ނޫސްވެރިއަކު ޖަލަށްލާފައިވާއިރު، ނޫހުގެ އިސްވެރިންގެ މައްޗަށް ގަޒުފުކުރުމުގެ ދަޢުވާކޮށް ޝަރީޢަތް ވަނީ ސިއްރުކޮށްފައެވެ.
- މޯލްޑިވްސް ޖާނަލިސްޓްސް އެސޯސިއޭޝަނަށް މައްސަލަ އިސްތިއުނާފުކުރުމުގެ ޙައްޤު ނެތްކަމަށް ހައިކޯޓުން ކަނޑައަޅާފައިވާއިރު، ނޫހުގެ ސީއީއޯގެ ފަރާތުން ވަނީ މައްސަލަ އިސްތިއުނާފުކޮށްފައެވެ.
- ނޫސްވެރިން ޖަލަށްލުން ޓްރާންސްޕޭރެންސީ މޯލްޑިވްސްއިން ކުށްވެރިކޮށްފައިވާއިރު، އިލެކްޝަންސް ކޮމިޝަނުން ވެސް ވަނީ ސިޔާސީ ޕާޓީތަކަށް ކޯޓު އަމުރަށް ތަބާވުމަށް އަންގާފައެވެ.
- ކޯޓުގެ އަމުރާ ޚިލާފުވުމުގެ ތުހުމަތު ދައުލަތުގެ އެންމެ އިސްވެރިންނަށް އަމާޒުވެފައިވުން.
- ނޫސްވެރިކަމުގެ މިނިވަންކަމާއި މަޢުލޫމާތު ފެތުރުމުގެ ޙައްޤަށް ބޮޑެތި ހުރަސްތަކެއް ކުރިމަތިވެފައިވުން.
- ޝަރުޢީ މަރުޙަލާގައި ނޫސްވެރިންނަށް އަދަބުދީ، މަދަނީ ޖަމްޢިއްޔާތަކަށް އިސްތިއުނާފު ކުރުމުގެ ފުރުޞަތު ހަނިވެފައިވުން.
- ދައުލަތުގެ މުއައްސަސާތަކުން ނޫސްވެރިކަމުގެ އުފެއްދުންތައް ސެންސަރުކުރުމަށް ފިޔަވަޅުތައް އަޅަމުންދިއުން.
ރައީސް ޑރ. މުހައްމަދު މުއިއްޒާއި، ކުރީގެ ދެ ރައީސުން ކަމަށްވާ މުހައްމަދު ނަޝީދާއި އަބްދުﷲ ޔާމީން އަބްދުލްގައްޔޫމް، ކްރިމިނަލް ކޯޓުން ނެރުނު ގެގް އޯޑަރާ ޚިލާފުވެފައިވާ ކަމަށް ބުނެ، ކްރިމިނަލް ކޯޓަށް ސިޓީއެއް ހުށަހަޅައިފިއެވެ.
'ސަން' އަށް އެނގިފައިވާ ގޮތުގައި އެއީ އަމިއްލަ ފަރާތަކުން ކްރިމިނަލް ކޯޓަށް ހުށަހެޅި ސިޓީއެކެވެ.
މިދިޔަ ހަފުތާގައި ކްރިމިނަލް ކޯޓުން ނެރުނު އެ އަމުރު މޯލްޑިވްސް ޖާނަލިސްޓްސް އެސޯސިއޭޝަން (އެމްޖޭއޭ)އިން ހައިކޯޓަށް ހުށަހެޅިއިރު، މި އަމުރާ ޚިލާފުވެގެން ކަމަށް ބުނެ، ދެ ނޫސްވެރިޔަކު ވަނީ ޖަލަށް ވެސް ލާފައެވެ. އެ އަމުރު ހައިކޯޓުން އިއްޔެ ރިޖެކްޓްކުރީ އެ އަމުރު އިސްތިއުނާފުކުރުމުގެ ހައްގު މޯލްޑިވްސް ޖާނަލިސްޓް އެސޯސިއޭޝަނަށް ނެތް ކަމަށް ބުނެއެވެ. އެ ނިންމުން ނިންމީ ހައިކޯޓުގެ ރަޖިސްޓްރާ މަރްޔަމް ހޫރުޝީދާއެވެ.
އެއާއެކު ހަމަ އިއްޔެ، އެ މައްސަލަ އަދަދު ނޫހުގެ ސީއީއޯ ހުސައިން ފިޔާޒު މޫސާގެ ފަރާތުން ވަނީ ހައިކޯޓުގައި އިސްތިއުނާފުކޮށްފައެވެ.
https://sun.mv/222117
އެ އަމުރަކީ ނޫސްވެރިކަމުގެ މިނިވަންކަމާއި ޚިޔާލުފާޅުކުރުމުގެ މިނިވަންކަމަށް ހުރަސްއެޅޭ ގޮތަށް ނެރެފައިވާ އަމުރެއް ކަމަށް ބުނެ، ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ. އެމްޖޭއޭއިން ބުނެފައިވަނީ ކްރިމިނަލް ކޯޓުގެ މި އަމުރަކީ މުޅި މުޖުތަމައަށް އަމާޒުކޮށް ނެރެފައިވާ އަމުރަކަށްވާއިރު، މީގެ ސަބަބުން އާންމު ރައްޔިތުންނާއި ނޫސްވެރިންގެ އަސާސީ ހައްގުތަކަށް އުނިކަން ލިބޭ ކަމަށެވެ.
"ޝަރީއަތް ހިނގަމުންދާ މައްސަލައެއްގައި ވަކި ގޮތަކަށް އަމަލު ނުކުރުމަށް އަންގައި ކުރާ އަމުރު"ގައި ވަނީ ވީޑިއޯ ޑޮކިއުމެންޓްރީ މުޖުތަމައުގެ ތެރޭގައި ދައުރު ނުކުރުމަށާއި، އޭގައި ގެނެސްދީފައިވާ އެއްވެސް ވާހަކައެއް ސީދާ ގޮތުންނާއި ނުސީދާ ގޮތުން ވިޔަސް ނުދެއްކުމަށެވެ. އަދި، ޝަރީއަތަށް ހުށަހެޅިފައިވާ ޑޮކިއުމަންޓްރީއާ ގުޅުވައި މައްސަލައިގެ ޙަސްމަކާއި ނުވަތަ ކުށުގެ ޝިކާރައަށްވީ މީހާގެ އެއްވެސް ވާހަކައެއް ނުދެއްކުމަށް ވަނީ އަމުރުކޮށްފައެވެ.
ކްރިމިނަލް ކޯޓުގެ ގާޒީ މުޒައްމިލު ނާސިރު މި އަމުރު ނެރުއްވިއިރު، އަދަދު ނޫހުގެ ސީއީއޯ ހުސައިން ފިޔާޒު މޫސާއާއި އެޑިޓަރު ހަސަން މުހައްމަދުގެ މައްޗަށް ގާނޫނުލްއުގޫބާތުގެ 612 ވަނަ މާއްދާގެ ދަށުން ގަޒުފުކުރުމުގެ ދައުވާ އޮތީ އުފުލާފައެވެ. ދެ ނޫސްވެރިންގެ ޝަރީއަތް ކްރިމިނަލް ކޯޓުގައި ވަނީ ސިއްރުކޮށްގެން ފަށާފައެވެ.
'އަދަދު' ނޫހުގެ ދެ ނޫސްވެރިން ކަމަށްވާ ލީވާން އަލީ ނަސީރާއި މުހައްމަދު ޝަހުޒާން ޖަލަށްލުމާ އެކު، އެއީ ޑިމޮކްރެޓިކް ވެރިކަމެއްގެ އަސާސްތަކަށް ދެވޭ ހަމަލާއެއް ކަމަށް ބުނެ، ޓްރާންސްޕޭރެންސީ މޯލްޑިވްސްއިންވަނީ އެކަން ކުށްވެރިކޮށްފައެވެ.
އޮންލައިން ނޫސް "އަދަދު"ން ގެނެސްދިން ޑޮކިއުމެންޓްރީގައި ދައްކާފައިވާ އެއްވެސް ވާހަކައެއް އާއްމު ނުކުރުމަށް ކްރިމިނަލް ކޯޓުން ނެރުނު އަމުރާ ގުޅިގެން އިލެކްޝަންސް ކޮމިޝަން (އީސީ)އިން ސިޔާސީ ޕާޓީތަކަށް ވެސް އެންގުމެއް ވަނީ ފޮނުވައިފައެވެ.
