ބްރެޒިލްގެ މަޝްހޫރު ފުޓުބޯޅަ ކުޅުންތެރިޔާ ނޭމާ ޖޫނިއާ، އޭނާގެ ފަހު ވޯލްޑް ކަޕަށް ފުރިހަމައަށް ތައްޔާރުވުމުގެ ގޮތުން އަނެއްކާވެސް ކަކުލުގެ އޮޕަރޭޝަނެއް ކޮށްފިއެވެ. ސަންތޯސްގެ ކޯޗު ކޫކާ މައުލޫމާތު ދިން ގޮތުގައި، ފީފާ އިންޓަނޭޝަނަލް ބްރޭކުގެ ތެރޭގައި ކުރި މި އޮޕަރޭޝަނުގެ ސަބަބުން ނޭމާއަށް މިވަގުތު ފަރިތަކުރުންތަކުގައި ބައިވެރިއެއް ނުވެވޭނެއެވެ. ނޭމާ މި ފަރުވާ ހޯދީ ޑޮކްޓަރުންގެ ލަފާގެ މަތިންނެވެ. މާކާ ނޫހުން ރިޕޯޓްކޮށްފައިވާ ގޮތުގައި ނޭމާ ހޯދާފައިވަނީ ކަކުލުގެ ހަލާކުވެފައިވާ ޓިޝޫތައް ވަރުގަދަކުރުމަށްދޭ ހާއްސަ ފަރުވާއެކެވެ. ބްރެޒިލްގެ ގައުމީ ޓީމުން ޖާގަ ލިބޭނެކަމަށް އުންމީދުކުރި ނަމަވެސް، ނޭމާ އިސްކަންދިނީ މި ބްރޭކުގެ ތެރޭގައި ފަރުވާގެ ކަންކަން އަވަހަށް ނިންމާލުމަށެވެ. އޭނާގެ އެންމެ ބޮޑު އަމާޒަކީ އެމެރިކާ، މެކްސިކޯ އަދި ކެނެޑާގައި ބާއްވާ ވޯލްޑް ކަޕް ފެށުމުގެ ކުރިން ފިޓްނަސް ރަނގަޅުކޮށް، ކޯޗު އަންޗެލޮޓީގެ އިތުބާރު ހޯދައި މުބާރާތަށްދާ 26 ކުޅުންތެރިންގެ ސްކޮޑުން ޖާގަ ކަށަވަރުކުރުމެވެ.
- ވޯލްޑް ކަޕަށް ފިޓްވުމަށް ނޭމާ ކަކުލުގެ އޮޕަރޭޝަނެއް ކުރުން
- ފީފާ ބްރޭކުގެ ތެރޭގައި ފަރުވާ ހޯދުމުގެ ސަބަބުން ފަރިތަކުރުންތަކުގައި ބައިވެރިނުވެވުން
- ކަކުލުގެ ޓިޝޫތައް ވަރުގަދަކުރުމަށް ހާއްސަ ފަރުވާއެއް ހޯދުން
- އެމެރިކާ، މެކްސިކޯ އަދި ކެނެޑާގައި ބާއްވާ މުބާރާތުގެ ސްކޮޑުން ޖާގަ ހޯދުމަށް އަމާޒުހިފުން
ބްރެޒިލްގެ ތަރި ނޭމާ ޖޫނިއާ އޭނާގެ ފަހު ވޯލްޑް ކަޕަށް ފިޓްވުމަށް ކުރަމުންދާ މަސައްކަތުގެ ދަށުން އަނެއްކާވެސް ކަކުލުގެ އޮޕަރޭޝަނެއް ކޮށްފިއެވެ.
ސަންތޯސްގެ ކޯޗު ކޫކާ މީޑިއާތަކަށް މައުލޫމާތު ދެމުން ބުނެފައިވަނީ، ފީފާ އިންޓަނޭޝަނަލް ބްރޭކުގެ ތެރޭގައި ނޭމާ ކަކުލުގެ ސާޖަރީއެއް ހަދާފައިވާ ކަމަށާއި، އޭގެ ސަބަބުން އޭނާއަށް ފަރިތަކުރުންތަކުގައި ބައިވެރިނުވެވޭ ކަމަށެވެ.
ބްރެޒިލް ލީގުގެ ފަހު ސީޒަނަށްފަހު ޑޮކްޓަރުންގެ ލަފާގެ މަތިން ނޭމާ މި އޮޕަރޭޝަން ކުރަން ނިންމީ، ކުރިއަށް އޮތް ބޮޑު މުބާރާތަށް ފުރިހަމައަށް ތައްޔާރުވުމުގެ މަގްސަދުގައެވެ.
ބްރެޒިލްގެ ސަންތޯސް ޖާޒީގައި ނޭމާ--
މާކާ ނޫހުން ރިޕޯޓްކުރާ ގޮތުގައި، މިފަހަރު ނޭމާ ހަދާފައިވަނީ "ޕްލޭޓްލެޓް-ރިޗް ޕްލާޒްމާ" ބޭނުންކޮށްގެން ކަކުލުގެ ހަލާކުވެފައިވާ ޓިޝޫތައް ވަރުގަދަކުރުމުގެ ހާއްސަ ފަރުވާއެކެވެ.
ބްރެޒިލްގެ ގައުމީ ޓީމުން މިފަހަރު ފުރުސަތު ލިބޭނެ ކަމަށް އުންމީދުކޮށްގެން ހުރި ނަމަވެސް، ނޭމާ އިސްކަންދިނީ މި ބްރޭކުގެ ބޭނުން ހިފައިގެން އަވަހަށް ފަރުވާ ފުރިހަމަކުރުމަށެވެ.
އޭނާގެ މިހާރުގެ އަމާޒަކީ ވޯލްޑް ކަޕް ފެށުމުގެ ކުރިން ފިޓްނަސް އެނބުރި ހޯދައި، އެމެރިކާ، މެކްސިކޯ އަދި ކެނެޑާގައި ބާއްވާ މުބާރާތަށްދާ 26 ކުޅުންތެރިންގެ ސްކޮޑުން ޖާގަ ހޯދުމަށް ކޯޗު އަންޗެލޮޓީއަށް ސާބިތުކޮށްދިނުމެވެ.
