ވަޓްސްއެޕްގެ އެންމެ ފަހުގެ އަޕްޑޭޓްގައި ލިޔަމުންދާއިރު ގުޅޭ ސްޓިކާ އޮޓޯއިން އަންނަ ފީޗާއެއް އެ އެޕްލިކޭޝަނަށް އިތުރުކޮށްފިއެވެ.
ވަޓްސްއެޕް އައި.އޯ.އެސް އެޕްލިކޭޝަނަށް މި އާ ފީޗާ ތައާރަފުކޮށްފާވާއިރު، މި އާ ފީޗާގެ ސަބަބުން، ޗެޓްތަކުގައި ލިޔެ އިމޯޖީ ޓައިޕްކުރާއިރު އެއާ ގުޅުންހުރި ސްޓިކާ ފެނި، ވަގުތުން ފޮނުވޭނެއެވެ.
މިއީ ވަޓްސްއެޕް ބޭނުންކުރާ ފަރާތްތަކަށް ލިޔަމުންދާއިރު ގުޅުންހުރި ސްޓިކާ އޮޓޯއިން ފެނިގެންދާނެ ފަސޭހަ ގޮތެކެވެ.
މި އާ އަޕްޑޭޓާއެކު، ސްޓިކާ ކީބޯޑް ހުޅުވައި، އެކި ސްޓިކާ ޕެކްތަކުން ހޯދަންޖެހޭ ބުރަ މަސައްކަތް ކުޑަވެގެންދާނެއެވެ. ބަދަލުގައި، އިމޯޖީއެއް ޓައިޕްކުރުމާއެކު އެއާ ގުޅުންހުރި ސްޓިކާތައް ފެންނަން ފަށާނެއެވެ. މިކަމުގެ ސަބަބުން މެސެޖުކުރުމުގެ ތަޖުރިބާ އިތުރަށް ހަލުވިވެ، ފަސޭހަވެގެންދާނެ ކަމަށް ވަޓްސްއެޕް އިން ބުނެއެވެ. އަންނަ ހަފްތާތަކުގެ ތެރޭގައި މި ފީޗާ އައިފޯން ބޭނުންކުރާ އިތުރު ފަރާތްތަކަށް ލިބިގެންދާނެއެވެ.
އައިއޯއެސްއަށް މިވަގުތު މި އަޕްޑޭޓްލިބުނަސް ވަރަށް އަވަހަށް އެންޑްރޮއިޑަށްވެސް ލިބޭނެ ---
މެޓާގެ މި މެސެޖިންގ ޕްލެޓްފޯމުން ވަނީ އައި.އޯ.އެސް އެޕް ވާޝަން 26.8.76 އަށް އަޕްޑޭޓްކޮށްފައެވެ. މި އަޕްޑޭޓުގައި ހިމެނޭ މި އާ ފަންކްޝަނަލިޓީގެ ސަބަބުން، އިމޯޖީ ޓައިޕްކުރާއިރު، ޗެޓް ބާގައި އެއާ ގުޅުންހުރި ސްޓިކާތައް ދައްކާނެއެވެ. މީގެ ސަބަބުން ވާހަކަ ދައްކާއިރު ގިނަ ވަގުތު ސަލާމަތްކުރެވޭނެ ކަމަށް ވަޓްސްއެޕް އިން ބުނެއެވެ.
ބޭނުންކުރާ ފަރާތްތަކަށް އިމޯޖީއަށް ޓެޕްކޮށްގެން ގުޅުންހުރި ސްޓިކާތައް ބްރައުޒްކޮށް، ފޮނުވޭނެއެވެ.
ވަޓްސްއެޕްގެ ޗޭންޖްލޮގްގައިވާ ގޮތުން މި ފީޗާ ހުރިހާ ޔޫޒަރުންނަށް ވާސިލްވުމަށް ދުވަސްކޮޅެއް ނަގާނެއެވެ.
މި އަޕްޑޭޓް ޔޫޒަރުންނަށް ލިބުމާއެކު، މިސާލަކަށް، ސްމައިލިން އިމޯޖީއެއް ޓައިޕްކުރުމުން މަޖާ ރިއެކްޝަންތަކާ ގުޅުންހުރި ސްޓިކާތައް ފެންނާނެއެވެ. އަދި ހާޓް އިމޯޖީއެއް ޓައިޕްކުރުމުން ލޯތްބާއި ގުޅުންހުރި ސްޓިކާތައް ފެންނާނެއެވެ.
ސްޓިކާއަކީ މެސެޖިން އެޕްތަކުގައި ބޭނުންކުރާ ވަރަށް މަގުބޫލު އެއްޗެކެވެ. މިއީ މީހުންގެ އިހުސާސާތްތަކާއި ހިޔާލުތައް ހިއްސާކުރުމަށް ބޭނުންކުރާ ރީތި ގްރެފިކްސްތަކެކެވެ.
ވަޓްސްއެޕްއަކީ ދުނިޔޭގައި އެންމެ ގިނަ ބަޔަކު ބޭނުންކުރާ މެސެޖިން އެޕްތަކުގެ ތެރެއިން އެއް އެޕް ކަމުން، އެ އެޕްގެ ބޭނުންކުރާ ފަރާތްތަކުގެ ތަޖުރިބާ ރަނގަޅުކުރުމަށް ގިނަ މަސައްކަތްތަކެއް ކުރެއެވެ.