ސަން ބަދިގެ: ސިމް ކުމް ސްޓީމް ފިޝް

މިއަދުގެ ސަން ބަދިގެ ސެގްމެންޓްގައި ގެނެސްދޭނީ ރަމަޟާން މަހު ޑައިޓްކުރާ ފަރާތްތަކުން ތައްޔާރުކޮށްލަން ވަރަށް ހާއްސަ ކެއުމެކެވެ.

ބޭނުންވާނެ ތަކެތި

300 ގްރާމް މަސް
2/1 ސައިސަމުސާ ސިސަމީ ސީޑް
01 ބޮނޑި ކަންކުން
01 ކުޑަ ފިޔާ ( ހިމަދިގުކޮށް ކޮށާފައި )
04 ލޮނުމެދު ( ޗޮޕްކޮށްލާފައި)
01 ލުނބޯ
100 ގްރާމް ކެރެޓް ( ހިމަދިގުކޮށް ކޮށާފައި )
02 ތޮޅި މިރުސް ( ރަތް ކުލާގެ ހިމަދިގުކޮށް ކޮށާފައި )
4/1 ސައިސަމުސާ މުގުރި އަސޭމިރުސް
ރަހަލާވަރުގެ ލޮނުކޮޅެއް

ތައްޔާރުކުރާނެގޮތް

މަސް ކޮޅުތެރެއަށް ލޮނު، އަސޭމިރުސް، ލުނބޯ އަދި ލޮނުމެދުކޮޅެއް އަޅާ އެއްކޮށްލުމަށް ފަހު 10 މިނެޓް ވަންދެން މެރިނޭޓްކޮށްލަން ބަހައްޓާށެވެ.

އެއަށްފަހު ފިޔާ،ލޮނުމެދު، ކަންކުން، ކެރެޓް، ތޮޅިމިރުސް ކޮށާލުމަށްފަހު ސިސަމީސީޑް، އޮލިވްއޮއިލް، އަޅާ އެއްކޮށްލުމަށް ފަހު އެއްކޮށްލާފައި ހުރި ތަރުކާރީ ކޮޅުގެ އެއްބައި ޓްރޭއެއްގެ ތެރެއަށް އަޅާލުމަށްފަހު މަސްކޮޅު އޭގެތެރޭގައި އަތުރާލާށެވެ.

އެއައްފަހު ބާކީހުރި ތަރުކާރީ ކޮޅު މަސް ކޮޅުތެރެއަށް އަޅާފައި ސްޓީމް ކޮށްލާނީއެވެ.