މާލީ ގޮތުން ބާރުވެރިވެ، ފައިސާގެ ގޮތުން ދިގު މުއްދަތުގައި ރައްކާތެރިކަން ލިބޭނެ ފަދަ ފިޔަވަޅުތައް އެޅުމަކީ ހުރިހާ އަންހެނުންނަށް ވެސް މުހިންމު ކަމެކެވެ. އެލައިޑް އިންޝުއަރެންސްގެ އިސްލާމިކް ވިންޑޯ ކަމަށްވާ އެލައިޑް ތަކާފުލްއިން، ''ކަމަނަ ތަކާފުލް'' ފަރުމާކޮށްފައިވަނީ އެ ވިސްނުމާއެކުގައެވެ.
ކަމަނަ ތަކާފުލް ޕްލޭން، އިސްލާމީ އުސޫލުތަކާ އެއްގޮތަށް ފައިސާ ރައްކާކޮށް، މުސްތަގުބަލަށް ޓަކައި މާލީ އިންތިޒާމުތައް ހަމަޖެއްސުމަށް އަންހެނުންނަށް އެހީއަކަށް ވާނެއެވެ.
އެ ޕްލޭން އެކުލަވާލައިފައިވަނީ ދިރިއުޅުމުގައި ކުރިމަތިވެދާނެ ހާލަތްތަކަށް ތައްޔާރުވެ ތިބެވޭނެ ގޮތްތަކަށް ވިސްނައިފައެވެ. މިއީ 18 އަހަރާއި 50 އަހަރާ ދެމެދުގެ އަންހެނުންނަށް ނެގޭ ޕްލޭނެއް ކަމަށްވާއިރު، އެ ކަވަރޭޖުގައި ހިމަނަން ބޭނުންވާ ފައިސާގެ އަދަދާއި ކަވަރޭޖް ބޭނުންވާ މުއްދަތެއް، އެ މީހެއްގެ ބޭނުންތަކަށް ރިއާޔަތްކޮށް ހަމަޖެއްސޭނެއެވެ.
މި ޕްލޭން ޚިޔާރުކުރުމުން، އެ މީހަކު ކޮންމެ މަހަކު ދައްކަން ޖެހޭ ފައިސާގެ އަދަދު ކަނޑައަޅާނީ، އެ މީހަކު ނެގި ޕްލޭންގައި ހިމެނޭ ފައިސާގެ އަދަދަށާއި ޕްލޭން ނަގައިފައިވާ މުއްދަތަށާއި އެ މީހެއްގެ އުމުރަށް ބިނާކޮށެވެ. މިސާލެއްގެ ގޮތުން، އެއް ލައްކަ ރުފިޔާގެ ކަވަރޭޖް ޕްލޭނެއް ނަގައިފައިވާ 20 އަހަރު އަންހެނަކު، ކޮންމެ މަހަކު ދައްކަން ޖެހޭނީ އެންމެ 440 ރުފިޔާއެވެ.
ކަމަނަ ތަކާފުލް ކަވަރުކުރާ ކަންތައްތަކުގެ ތެރޭގައި:
ކުއްލި ހާލަތްތަކުގައި ފައިސާ ނެގުމުގެ ފުރުޞަތު - ކޮންމެ ދެ އަހަރަކުން އެއްފަހަރު، ޖުމްލަ ކަވަރޭޖްގެ ފަސް ޕަސެންޓަށްވާ ފައިސާ ނެގުމުގެ ފުރުޞަތު ލިބިދީފައިވޭ. މިއީ ކުއްލިއަކަށް ދިމާވާ ހާލަތްތަކާ ގުޅިގެން ފޯރުކޮށްދޭ މާލީ އެހީތެރިކަމެއް
ނިޔާވުމުން ލިބޭ މާލީ އެހީ – ޕްލޭން ނަގައިފައިވާ ފަރާތެއް ނިޔާވެއްޖެ ހާލަތެއްގައި، އޭނާގެ އާއިލާއަށް ކަވަރޭޖްގެ 100 ޕަސެންޓް ފައިސާއާއި އިތުރަށް ޖަމާވެފައިވާ ސޭވިންސް ވެސް ފޯރުކޮށްދޭނެ
ނުރައްކާތެރި ބަލިތަކާއި ނުކުޅެދުންތެރިކަމުގެ ހާލަތްތައް - ނުރައްކާތެރި ބައްޔެއް ޖެހުން ނުވަތަ އެކްސިޑެންޓެއްގެ ސަބަބުން ދާއިމީ ނުކުޅެދުންތެރިކަމެއް ކުރިމަތިވާ ހާލަތްތަކުގައި، ކަމަނަ ތަކާފުލްގެ ދަށުން ފުރިހަމަ މާލީ އެހީތެރިކަން ފޯރުކޮށްދޭ. އެގޮތުން، ނަގައިފައިވާ ޕްލޭނާ އެއްވަރުގެ އަދަދެއް އެ ފަރާތަކަށް ލިބިގެންދާނެ. އަދި އެ ހާލަތެއް ދިމާވުމާއެކު، އޭގެ ފަހުން ދައްކަންޖެހޭ ފައިސާ ދައްކަން ނުޖެހޭ ގޮތަށް ހަމަޖައްސައިދޭނެ.
ޞިއްޙީ އިތުރު އިނާޔަތްތައް - މި ޕްލޭނުގެ ދަށުން ކޮންމެ ތިން އަހަރަކުން އެއްފަހަރު ކެންސަރަށް ހިލޭ ސްކްރީން ކުރުމުގެ ފުރުސަތު ލިބޭ.
މެޗޫރިޓީ (މުއްދަތު ހަމަވުމުން) ލިބޭ ފައިދާ – ޕްލޭންގެ މުއްދަތު ހަމަވުމުން، އެ މީހަކު ރައްކާކުރި ފައިސާގެ އިތުރުން ޕްލޭނަށް ލިބިފައިވާ ފައިދާ ވެސް ފޯރުކޮށްދޭނެ.
ކަމަނަ ތަކާފުލްއަށް، އެލައިޑް ތަކާފުލްގެ ވެބްސައިޓުން ލިބެން ހުންނަ އެޕްލިކޭޝަން ފޯމް މެދުވެރިކޮށް އެދެވޭނެއެވެ. އެޕްލިކޭޝަން ހުށަހަޅާއިރު، ޕްލޭނަށް އެދޭ މީހާއާއި އެ މީހަކު ނެތް ހާލަތުގައި އެ ކަވަރޭޖްއިން އެހީ ފޯރުކޮށްދޭނެ މީހާގެ އައިޑީ ކާޑު ކޮޕީ ހުށަހަޅަންވާނެއެވެ.
އެލައިޑް ތަކާފުލްގެ އުއްމީދަކީ، ކަމަނަ ތަކާފުލްއާއެކު ދިވެހި ކަނބަލުން ބާރުވެރިކޮށް، އެ ކަނބަލުންނަށް މާލީ ގޮތުން ރައްކާތެރި މުސްތަގުބަލެއް ހޯދައިދިނުމެވެ.