ރާއްޖޭގެ ފުރަތަމަ ޑިވިޝަނުގެ ފުޓުބޯޅައިގައި 10 އަހަރެއްހާ ދުވަސް ހޭދަކުރުމަށްފަހު ޔުނައިޓެޑް ވިކްޓްރީ (ޔޫވީ) ދެވަނަ ޑިވިޝަނަށް ވެއްޓިއްޖެއެވެ.
ފުރަތަމަ ޑިވިޝަނުން ޔޫވީ ވެއްޓުނީ، ނުވަތަ ރެލިގޭޓުވީ ރޭ ކުލަބު ވެލެންސިއާއާ ވާދަކޮށް ލަނޑެއް ނުޖެހި އެއްވަރުވުމާ ގުޅިގެންނެވެ.
ޔޫވީއަށް ފުރަތަމަ ޑިިވިޝަނުން ފުރުސަތު ގެއްލުނީ މުބާރާތުގެ ދެ ބުރުގެ ކުޅުން ނިމޭއިރު އެންމެ ފުލުގައި ހިމެނިގެންނެވެ. އެއީ ފުރަތަމަ ޑިވިޝަނުގެ އެންމެ ދަށް ދެ ޓީމުގެ ގޮތުގައި ހިމެނިގެންނެވެ. އެންމެ ފުލުގައި ހިމެނޭ ދެ ޓީމު އޮޓަމެޓިކުން ދެވަނަ ޑިވިޝަނަށް ރެލިގޭޓުވާނެއެވެ.
ތާވަލަށް ބަލާއިރު ޔޫވީ އޮތީ ފުލުގައި ހިމެނޭ ދެ ޓީމުގެ ތެރޭގައެވެ. އެ ޓީމަށް ތާވަލުގެ ކުރިއަށް ޖެހި ރެލިގޭޝަނުން ސަލާމަތްވާނެ ދޮރުތައް ވަނީ ބަންދުވެފައެވެ. ޔޫވީ އޮތީ ކުޅުނު 17 މެޗުން ހޯދި 8 ޕޮއިންޓާއެކުއެވެ. އެއީ ތާވަލުގެ އެންމެ ފުލެވެ.
ދިވެހި ޕްރިމިއާ ލީގުގެ ތާވަލު
ލީގުގެ ފުލުގައި އޮތް ދެ ޓީމު ސީދާ ރެލިގޭޓުވާއިރު، ހަތްވަނައާއި އަށްވަނައިގައި ހިމެނޭ ޓީމު ޖެހޭނީ ރެލިގޭޝަން ޕްލޭއޮފް މެޗު ކުޅޭށެވެ.
މީގެއިތުރުން މި ނަތީޖާއާއެކު ކުލަބު ވެލެންސިއާއަށް އޮތީ ތާވަލުގެ ނުވަ ވަނައިގައެވެ. އެއީ ކުޅުނު 17 މެޗުން ހޯދި 9 ޕޮއިންޓާއެކު އެވެ. އެއާއެކު ވެލެންސިއާއަށްވެސް އޮތީ އުނދަގޫ ހާލަތެއްގައެވެ.
ރާއްޖޭޣެ ފުރަތަމަ ޑިވިޝަނުގައި ޔޫވީ ވާދަކުރަން ފެށީ 2016 ވަނަ އަހަރުގައެވެ. އޭގެފަހުން ގަވާއިދުން ފުރަތަމަ ޑިވިޝަނުން އެ ޓީމު ފެނިގެންދިޔައިރު، ވަރުގަދަ ޓީމުތަކާ ދެކޮޅަށް ރަނގަޅު ނަތީޖާތަކެއް ވަނީ ނެރެފައެވެ.