މީރު ރަހަތަކާއި ހިތްގައިމު މާހައުލަކާ އެކު، ސޮލެއިލް ރޫފްޓޮޕް އަލުން ހުޅުވައިފިއެވެ.
ސޮލެއިލް ރޫފްޓޮޕަކީ މީގެ ކުރިން ވެސް ވަރަށް ގިނަ މީހުންގެ މެދުގައި މަގުބޫލުކަމެއް ލިބިފައިވާ ރެސްޓޯރެންޓެކެވެ.
ބުދަ ދުވަހުގެ ރޭ އަލުން އެ ރެސްޓޯރެންޓް ހުޅުވިއިރު މިހާރު ވަނީ ކުރިއަށްވުރެ ވެސް ގިނަ ރަހަތަކާ އެކު، ގިނަ ބާވަތްތައް މެނޫގައި ހިމަނާފައެވެ.
ދެ ފަންގިފިލާގެ އެ ރެސްޓޯރެންޓްގެ ފުރަތަމަ ބަޔަކީ އޭސީކޮށްފައި ހުރި ބައެކެވެ. މި ބައިގައި "ޕްރައިވެޓް ޑައިނިން" ބައެއް ވެސް ވަނީ ހިމަނައިފައެވެ. ދެވަނަ ފަންގިފިލާއަކީ ރޫފްޓޮޕެވެ.
ސޮލެއިލް ރޫޕްޓޮޕްގެ ގްރޭންޑް އޯޕަނިން: ޚާއްސަ ލަކީ ޑްރޯއެއް ވެސް ވަނީ ކުރިއަށް ގެންގޮސްފައި --
ކުރިއާ ޚިލާފަށް މިހާރު މި ރެސްޓޯރެންޓުގައި އެއް ފަހަރާ 65 މީހުންނާއި 100 މީހުންނަށް ޚިދުމަތް ދެވޭނެއެވެ.
މިއީ ހަމައެކަނި ރެސްޓޯރެންޓެއް ނޫނެވެ. އުފަންދުވަހުގެ ޕާޓީތަކާއި ކައިވެނީގެ ހަފުލާތަކުން ފެށިގެން އެކިއެކި އިވެންޓުތައް ބޭއްވުމަށް ވެސް ސޮލެއިލް ރޫފްޓޮޕް ސަޅިވާނެއެވެ.
ސޮލެއިލްއިން ބުނި ގޮތުގައި ރަމަޟާން މަސް މިހާރު ގާތްވެފައިވާއިރު އިފްތާރު ބުކިންތަކަށް ވެސް އެ ރެސްޓޯރެންޓްއިން ވަރަށް އަވަހަށް ހުޅުވާލާނެއެވެ.
ބުދަ ދުވަހުގެ ރޭ އެ ރެސްޓޯރެންޓް އަލުން ހުޅުވިއިރު، ގިނަ އަދަދެއްގެ މީހުންނަށް ދައުވަތު އަރުވައިގެން ވަނީ ކުލަގަދަ ހަފުލާއެއް ވެސް ބާއްވައިފައެވެ. މިހާރު ކުރިއަރަމުން އަންނަ ލަވަކިޔުންތެރިޔާ، މުހައްމަދު ނަސޫހުގެ ހިތްގައިމު ލައިވް މިއުޒިކާ އެކު، އެ ތަނުގައި ގިނަ ބަޔަކު ކެއުމަށް އިންސާފުކުރިއެވެ. އަދި، އެ ހަފުލާގެ ހޮސްޓަކީ މީހުންގެ މެދުގައި މަގުބޫލުކަން ހޯދާފައިވާ ކޮމީޑިއަނެއް ކަމަށްވާ ނާޒިރު ޝިހާމް (ކާއްޓޭ)އެވެ.
މި ހަފުލާގައި ވަނީ ލަކީ ޑްރޯއެއް ވެސް ކުރިއަށް ގެންގޮސްފައެވެ. ލަކީ ޑްރޯގައި ވަނީ ވަރަށް ޚާއްސަ އިނާމުތަކެއް ވެސް ދޫކޮށްފައެވެ.