ސަން ބަދިގެ: ޓޫނާ ޕާސްޓާ ސެލެޑް

މިއީ ދަޅު މަސް ބޭނުންކޮށްގެން ފަސޭހަކަމާއެކު ތައްޔާރުކުރެވޭނެ، ސިއްހަތަށް ފައިދާ ހުރި ޕާސްޓާ ސެލެޑެކެވެ.

ބޭނުންވާ ތަކެތި

  • 150 ގްރާމް ހޯލް ވީޓް ޕާސްތާ (ކައްކާފައި)
  • 150 ގުރާމް އޮލިވްސް (ކޮށާފައި)
  • 150 ގުރާމް ދަޅުމަސް (ފެން/ ތެޔޮ އޮއްސާފައި)
  • 75 ގުރާމް ޕާމިޒަން ޗީޒް
  • 2 މޭޒުމަތީ ސަމުސާ އޮލިވް އޮއިލް
  • 3 މޭޒުމަތީ ސަމުސާ ޕާސްލީ
  • 3 ކެރެޓް (ވެޖިޓެބުލް ޕީލާއެއް ބޭނުންކޮށްގެން ތުނިކޮށް ކޮށާފައި)
  • 1 ކިއުކަމްބާ (އޮށް ނަގައި، ވެޖިޓެބުލް ޕީލާ ބޭނުންކޮށްގެން ތުނިކޮށް ކޮށާފައި)
  • 2 ޓޮމާޓޯ (ކޮށާފައި)

ތައްޔާރުކުރާނެ ގޮތް

ޕާސްތާ ކައްކައި ނިމުމުން، ފެން އޮއްސާލުމަށް ބޮޑު ބޯތަށްޓަކަށް އަޅާށެވެ. އެއަށް ފަހު ބާކީ ހުރިހާ އެއްޗެއް އެ ތަށީގައި އެއްކޮށްލާށެވެ.

މިއީ ހޫނުކޮށް ނުވަތަ ފުރިޖަށް ލައި ފިނި ކުރުމަށް ފަހު ކާން މީރުވާނެ ސެލެޑެކެވެ.

comment ކޮމެންޓް