ދުވަސްކޮޅަކަށް ވިއްސާރަވުމަށް ފަހު، ހޫނުގަދަ ދުވަސްތައް މިހާރު ފެށެނީއެވެ. އެހެންވެ، ރޯދަ ވީއްލާ ވަގުތު ފިނި ބުއިމެއް އާންމުކޮށް ބޭނުންވެއެވެ. އެގޮތުން މިއީ ރޯދަވީއްލާ ވަގުތަށް ތައްޔާރު ކުރެވޭނެ ބުއިމެކެވެ.
ބޭނުންވާ ތަކެތި:
- 1 1/2 ޖޯޑު ސްޓްރޯބެރީ (ގަނޑުކޮށްފައި)
- 1 ދޮންކެޔޮ (ގަނޑުކޮށްފައި)
- 1/2 ޖޯޑު ޕްލެއިން ޔޯގަޓް
- 3/4 ޖޯޑު މިލްކް
- 1 މޭޒުމަތީ ސަމުސާ ކޮކޯ ޕައުޑަރު
- 1 މޭޒުމަތީ ސަމުސާ ޕީނަޓް ބަޓާ
- 1/2 ސައިސަމުސާ ވެނީލާ އެކްސްޓްރެކްޓް
ތައްޔާރުކުރާނެ ގޮތް
ހުރިހާ އެއްޗެެއް އެއްކޮށް މިކްސަރަށް އަޅައި ގިރާލާށެވެ. ސްމޫތީގެ ދިޔާކަން އެ މީހަކު ބޭނުން ވަރަކަށް ބެހެއްޓުމަށް ޓަކައި އިތުރަށް ނުވަތަ މި ރެސިޕީގައިވާ ވަރަށް ވުރެ މަދުން ކިރު އެޅޭނެއެވެ.