މޯލްޑިވްސް އިސްލާމިކް ބޭންކް (އެމްއައިބީ) އާއި އިހުސާން ފިހާރަ ގުޅިގެން ގިނަ އިނާމު ލިބޭ ޕްރޮމޯޝަނެއް ފަށައިފިއެވެ.
އަންނަ ހޮނިހިރު ދުވަހުން ފެށިގެން މާރިޗު 30 ވަނަ ދުވަހުގެ ނިޔަލަށް ކުރިޔަށް ގެންދާ މި ޕްރޮމޯޝަންގައި އިހުސާން ފިހާރައިގެ ހަތަރު އައުޓްލެޓުން ވިޔަފާރި ކުރާ މީހުންގެ ތެރެއިން ކޮންމެ ދުވަހަކު ހަތަރު ނަސީބުވެރިން ހޮވަން ވަނީ ނިންމާފައެވެ.
މި ޕްރޮމޯޝަންގެ ދަށުން އިހުސާން ފިހާރައިން 200 ރުފިޔާއިން މަތިން ވިޔަފާރި ކުރާ ފަރާތްތަކަށް ކޫޕަނެއް ލިބޭއިރު، ކޮންމެ ހަފްތާއަކު އިނާމު ލިބޭ ނަސީބުވެރިއަކަށް 1،000 ރުފިޔާ ލިބޭނެއެވެ.
އިހުސާން ފިހާރައިން ވަނީ މި މަހުގެ 20 ވަނަ ދުވަހުން ފެށިގެން އޭޕްރިލް މަހުގެ 20ވަނަ ދުވަހުގެ ނިޔަލަަށް އެ ފިހާރައިން ވިޔަފާރި ކުރާ މީހުންގެ 200 ރުފިޔާއިން މަތިން ވިޔަފާރިކުރާ ނަސީބުވެރި ތިން މީހަކަށް އިނާމުތަކެެއް ދިނުމަށް ނިންމާފައެވެ.
އެގޮތުން، އެއްވަނަ އިނާމަކަށް 75،000 ރުފިޔާ ދިނުމަށް ނިންމާފައިވާއިރު، ދެވަނަ އިނާމަކަށް 50،000 ރުފިޔާ އަދި ތިންވަނައަށް 25،000 ރުފިޔާ ދޭން އެ ފިހާރައިން ވަނީ ނިންމާފައެވެ.
"އަޅުގަނޑުމެންގެ މަގްސަދަކީ ވީހާ ވެސް ގިނަ ފަރާތްތަކަށް އިނާމު ލިބޭގޮތަށް މި ޕްރޮމޯޝަން ބައްޓަންކުރުން. އިހުސާން ފިހާރައާއެކު މި ފެށި ޕްރޮމޯޝަންގެ ސަބަބުން މާލެ، ހުޅުމާލެ އަދި ވިލިމާލޭގެ އިހުސާން ފިހާރައިގެ ކަސްޓަމަރުންނަށް މި ފުރުސަތު ލިބިގެން ދާނެ،" އެމްއައިބީގެ މެނޭޖަރު އަހްސަން ޖަމީލް ވިދާޅުވިއެވެ.
މި ޕްރޮމޯޝަންގެ ދަށުން އިހުސާން ފިހާރައިން މާލޭގައި ހިންގާ ދެ ފިހާރައާއި ހުޅުމާލެ ދެވަނަ ފިޔަވަހީގައިހިންގާ ފިހާރައިގެ އިތުރުން ވިލިމާލޭ އިހުސާން ފިހާރައިން ވިޔަފާރި ކުރާ މީހުންގެ ތެރެއިން 200 ރުފިޔާ އިން މަތީގެ ހުރިހާ ވިޔަފާރިއަކަށް ކޫޕަން ލިބޭނެއެވެ.