ގޫގުލް ޕްލޭ ސްޓޯރުގައި ވީޕީއެން އެޕްތަކަށް "ވެރިފައިޑް" ބެޖް ތައާރަފުކޮށްފިއެވެ.
ގޫގުލްއިން އަންގާރަ ދުވަހު ބުނީ، ޕްލޭ ސްޓޯރުގައި މި އޮޕްޝަން ތަޢާރަފުކުރީ "އިތުބާރު ހުރި" އެޕްތައް ފާހަގަކުރުމަށް ޔޫޒަރުންނަށް މަގުފަހިކޮށްދިނުމުގެ ގޮތުން ކަމަށެވެ.
މިގޮތުން، ބޭނުންކުރާ ފަރާތްތަކުގެ ޕްރައިވަސީއާއި ސަލާމަތަށް އިސްކަންދޭ ވީޕީއެން އެޕްތަކަށް ވެރިފައިޑް ބެޖް ލިބޭނެއެވެ. މިހާރު މި ބެޖް ލިބިފައިވާ އެޕްތަކުގެ ތެރޭގައި ނޯޑްވީޕީއެން އަދި އަލޯހާ ބްރައުޒާ ހިމެނެއެވެ.
ވެރިފައިޑް ބެޖް ލިބުމަށް އެޕްތަކުން ވަކި ޝަރުތުތަކެއް ފުރިހަމަކުރަން ޖެހެއެވެ. މީގެ ތެރޭގައި:
- މޯބައިލް އެޕްލިކޭޝަން ސެކިއުރިޓީ އެސެސްމަންޓް (މާސާ) ލެވެލް ދޭއް ވެލިޑޭޝަން ފުރިހަމަކުރުން
- އޯގަނައިޒޭޝަން ޑިވެލޮޕާ އެކައުންޓެއް ބޭނުންކުރުން
- މަދުވެގެން 10،000 އިންސްޓޯލްއާއި 250 ރިވިއު ލިބިފައިވުން
- ޕްލޭ ސްޓޯރުގައި މަދުވެގެން 90 ދުވަސް ވެފައިވުން
ގޫގުލްއިން ބުނީ، މި ބެޖް ލިބުމުން އެޕްތަކުގެ އިތުބާރު އިތުރުވެ، އިތުރު ޔޫޒަރުން ލިބޭނެ ކަމަށެވެ.
މި އާ ބެޖަކީ ޕްލޭ ސްޓޯރުގައި މިހާރު ހުރި ވީޕީއެން އެޕްތަކާ ބެހޭ ބެނާތަކާއި ޑޭޓާ ސޭފްޓީ ޑިކްލަރޭޝަންގެ އިތުރު ފިޔަވަޅެކެވެ.
މިހާރު މި ބެޖް ލިބިފައިވާ އެޕްތަކުގެ ތެރޭގައި ނޯޑްވީޕީއެން، ހައިޑްމީ، އަދި އަލޯހާ ބްރައުޒާ ހިމެނެއެވެ. މި ބެޖް ލިބުމުން އެޕްތަކަށް ވާދަވެރި މާހައުލެއްގައި ކުރިއަށް ދިއުމުގެ ފުރުސަތު ލިބޭނެއެވެ.