މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ)ން ޕާލޭ މޯލްޑިވްސްއާ ގުޅިގެން ކުރިއަށް ގެންދާ "ރީތި ރާއްޖެ" ކެމްޕެއިންގެ ވެބްސައިޓު މިއަދު ލޯންޗުކޮށްފިއެވެ.
އެ ވެބްސައިޓު ލޯންޗުކޮށްފައި ވަނީ ހުޅުމާލޭ ރިވެލި ބީޗް ކްލަބް އެންޑް ރެސްޓޯރަންޓުގައި ބޭއްވި ރަސްމިއްޔާތެއްގައެވެ.
ރީތި ރާއްޖެ ޓީމުން ބުނީ، މި ވެބްސައިޓު މެދުވެރިކޮށް ކެމްޕެއިންގައި ކުރިއަށް ގެންދާ ހަރަކާތްތަކުގެ ފޮޓޯތައް ބަލާލެވޭނެ ކަމަށެވެ. އަދި، 'ރީތި ރާއްޖެ' ހޭޝްޓެގް ޓިކްޓޮކްގައި ބޭނުންކުރުމުން އެ ފޮޓޯތަކާއި ވީޑިއޯތައް ވެސް ވެބްސައިޓުން ބަލާލެވޭއިރު، އެ ޓީމުން ވަނީ ރީތި ރާއްޖެ ހޭޝް ޓެގް ވިހާވެސް ގިނައިން ބޭނުންކުރުމަށް އެދިފައެވެ.
ރީތި ރާއްޖެ ކެމްޕެއިންގެ ވެބްސައިޓު ލޯންޗުކުރުން ---- ފޮޓޯ/ މަޓީ
މި ވެބްސައިޓަށް ވަނުމަށް ފަހު ފެންނަން އިންނަ "ޕްލެޖް"އަށް ފިތާލުމަށް ފަހު ޕްލެޖް ނެގުމަށް ރީތި ރާއްޖޭގެ ޓީމުން ވަނީ އެދިފައެވެ.
އޭގެއިތުރުން، މި ކެމްޕެއިންގެ ކޮލަބްރޭޓަރުން ވެސް ރީތި ރާއްޖެ ވެބްސައިޓުން ފެންނާނެ ކަމަށް ރީތި ރާއްޖޭގެ ޓީމުން ވަނީ ބުނެފައެވެ.
މި ކެމްޕެއިނަކީ މުޅި ރާއްޖޭގެ އެކި ކަންކޮޅުތަކަށް އަމާޒުކޮށްގެން ކުރިއަށް ގެންދާ ހަކަރާތަކަށްވާއިރު، މިހާތަނަށް ތިން ސަރަހައްދެއްގައި ވަނީ މި ހަރަކާތް ބާއްވާފާއެވެ.
ރީތި ރާއްޖެ ކެމްޕެއިންގެ ވެބްސައިޓު ލޯންޗުކުރުން ---- ފޮޓޯ/ މަޓީ
އެގޮތުން، އައްޑޫ އަތޮޅާއި ފުވައްމުލައް ސިޓީގެ އިތުރުން ލ. އަތޮޅުގައި ރީތި ރާއްޖެ ކެމްޕެއިންގެ ދަށުން ހަރަކާތެއް ބާއްވާފައިވެއެވެ. މި ކެމްޕެއިންގެ ދަށުން ރާއްޖޭގެ ތިމާވެށި ރާއްތެރިކޮށް ދަމަހައްޓަން އެކި ހަރަކާތްތައް އަންނަނީ ބާއްވަމުންނެވެ.
ރީތި ރާއްޖޭގެ ޓީމުން ވަނީ މި މަސައްކަތްތަކުގެ މަޤުސަދަކީ ރާއްޖެއަށް ކުނި އެޅުން ހުއްޓުވުމާއި ރާއްޖޭގެ ތަރިކަ ރެކޯޑުކޮށް، ތިމާވެށި ރައްކާތެރިކުރުމުގެ މުހިންމުކަމާ މެދު ހޭލުންތެރިކަން އިތުރުކުރުން ކަމަށް ބުނެފައެވެ.