މަޝްހޫރު ސޯޝަލް މީޑިއާ އެޕްލިކޭޝަން ޓިކްޓޮކް އެމެރިކާގެ ކުންފުންޏަކަށް ވިއްކާލުމަށް އެމެރިކާގެ ރައީސް ޑޮނަލްޑް ޓްރަމްޕްގެ ސަރުކާރުން މަސައްކަތް ފަށައިފިއެވެ.
އެމެރިކާގެ ނޭޝަނަލް ޕަބްލިކް ރޭޑިއޯ (އެންޕީއާރު) އިން ނެރެފައިވާ ރިޕޯޓެއްގައި ބުނެފައިވާ ގޮތުގައި، ޓިކްޓޮކް ގަތުމަށް ރޭވިފައިވަނީ އެމެރިކާގެ ބޮޑެތި ސޮފްޓްވެއާ ކުންފުނިތަކުގެ ތެރެއިން އެއް ކުންފުނި ކަމަށްވާ އޯރަކަލް އިން އެމެރިކާގެ އެހެނިހެން ބައެއް އިންވެސްޓަރުންގެ ބައިވެރިވުމާއެކުގައެވެ.
މިދިޔަ އަހަރު، ޓިކްޓޮކްގެ މައި ކުންފުނި ކަމަށްވާ ޗައިނާގެ ބައިޓްޑާންސްއަށް އަމުރުކޮށްފައިވަނީ ޓިކްޓޮކް އެމެރިކާގެ ކުންފުންޏަކަށް ވިއްކާލުމަށް ނުވަތަ އެމެރިކާގައި މި އެޕްލިކޭޝަން ބޭނުންކުރުން މަނާކުރުމަށެވެ. އޯރަކަލްއިން ޓިކްޓޮކް ގަތުމަށް ހުށަހަޅާފައިވާ ޕްލޭންގައި ހިމެނެނީ ބައިޓްޑާންސްއަށް މަދު ޙިއްޞާއެއް ދޫކޮށްލުމެވެ.
އޯރަކަލްއަކީ އެމެރިކާގެ ކުންފުންޏެއް ކަމަށްވާއިރު، ދުނިޔޭގެ އެންމެ ބޮޑެތި ސޮފްޓްވެއާ ކުންފުނިތަކުގެ ތެރޭގައި ހިމެނޭ ކުންފުންޏެކެވެ. މި ކުންފުންޏަށްވުރެ ކުރިއަށް ތިބީ ހަމައެކަނި މައިކްރޯސޮފްޓް، އައިބީއެމް އަދި އަލްފަބެޓް ފަދަ މަދު ކުންފުނިތަކެކެވެ.
މި މުޢާމަލާތުގެ ސަބަބުން އެމެރިކާގެ ސަލާމަތީ ކަންބޮޑުވުންތަކަށް ޙައްލެއް ލިބި، ޓިކްޓޮކްގެ ޚިދުމަތް އެމެރިކާގައި ކުރިއަށް ގެންދެވިދާނެ ކަމަށް ލަފާކުރެވެއެވެ. ނަމަވެސް މި މުޢާމަލާތާ ގުޅޭ އިތުރު ތަފްޞީލުތައް މިވަގުތު ލިބެން ނެތްކަން ފާހަގަކުރަމެވެ.