މޯލްޑިވްސް މެރިން އެކްސްޕޯގެ 10 ވަނަ އެޑިޝަންގެ ސްޕޮންސަރުންނާއި ޕާޓްނަރުންނާއެކު އިއްޔެ ސޮއިކޮށްފިއެވެ.
ޕްރިމިއާ އިވެންޓް މެނޭޖްމަންޓް އެންޑް ކޮންސަލްޓެންސީ ކުންފުންޏެއް ކަމަށްވާ މީޑިއަމް އިވެންޓްސްއިން އިންތިޒާމްކޮށްގެން ބާއްވާ މޯލްޑިވްސް މެރިން އެކްސްޕޯއަކީ ރާއްޖޭގައި މެރިން އިންޑަސްޓްރީއަށް ކޮންމެ އަހަރަކު ބާއްވާ އިވެންޓެކެވެ.
މޯލްޑިވްސް މެރިން އެކްސްޕޯގެ ސްޕޮންސާސް އެންޑް ޕާޓްނަރުން ސޮއިކުރުން--
ސޮއިކުރުމުގެ މި ރަސްމިއްޔާތުގައި ސްޕޮންސަރުންނާއި ޕާޓްނަރުން ވަނީ ބައިވެރިވެފައެވެ.
މޯލްޑިވްސް މެރިން އެކްސްޕޯއަކީ އެންމެ ގިނަ ދުވަހު ކުރިއަށްދާ އަދި ރާއްޖޭގައި ބާއްވާ އެންމެ ބޮޑު އެއް މެރިން އިވެންޓެވެ.
މި އެކްސްޕޯއަކީ މި ސިނާއަތުގައި ބައިނަލްއަގުވާމީ ގޮތުން މަޝްހޫރު އުފެއްދުންތަކާއި ހިދުމަތްތައް ދައްކާލުމަށް ބާއްވާ ބާޒާރެކެވެ.
އިވެންޓްސް ޕްރައިވެޓް ލިމިޓެޑުން، މި އަހަރީ އިވެންޓުގައި އަލިއަޅުވައިލައިފައިވަނީ ދޯނިފަހަރާއި ދޯނި ހެދުމާއި، ކަނޑުގެ ސްޕެއާ ޕާޓްތަކައި، މެޝިނަރީ، މަސްވެރިކަމުގެ ސާމާނާއި، ޑައިވިން އަދި ވޯޓާސްޕޯޓްސް ސާމާނާއި، ކަނޑުގެ ކަންކަމާ ގުޅުންހުރި އެހެނިހެން ޚިދުމަތްތަކަށެވެ.
އެކްސްޕޯ އޮންނާނީ އަންނަ މަހުގެ ހަވަނަ ދުވަހުން ފެށިގެން ނުވައަކާ ހަމައަށް ހުޅުމާލެ ސެންޓްރަލް ޕާކުގައެވެ.
މޯލްޑިވްސް މެރިން އެކްސްޕޯގެ ސްޕޮންސާސް އެންޑް ޕާޓްނަރުން ސޮއިކުރުމުގެ ރަސްމިއްޔާތުގެ ތެރެއިން---
މި އަހަރުގެ އިވެންޓުގައި ކަނޑުގެ އެންމެ ޒަމާނީ އިނޮވޭޝަންތަކާއި، ދެމެހެއްޓެނިވި ހައްލުތަކާއި، ފުރުސަތުތަކުގެ މައްޗަށް އަލިއަޅުވާލާނެކަމަށް ވަނީި ބުނެފައެވެ.
މި އެކްސްޕޯގެ މެއިން ސްޕޮންސާއަކީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އެވެ.