އެންޓި ކޮރަޕްޝަން ކޮމިޝަން (އޭސީސީ) އިން ބަލަމުންދާ މައްސަލަކާ ގުޅިގެން ސްޓެލްކޯގެ ކުރީގެ މެނޭޖިން ޑިރެކްޓަރު އަހުމަދު ޝަރީފްގެ ޕާސްޕޯޓު އިއްޔެ ހިފަހައްޓައިފިއެވެ.
އޭސީސީގެ އޮފިޝަލަކު ވަނީ އެކަން 'ސަން'އަށް ކަށަވަރުކޮށްދެއްވާފައެވެ.
އެގޮތުން، އިއްޔެ ޝަރީފްގެ ޕާސްޕޯޓު ހިފެހެއްޓީ އޭސީސީން ބަލަމުންދާ ސްޓެލްކޯއާ ގުޅުން ހުރި މައްސަލައެއްގައި ކަމަށް އޮފިޝަލް ވިދާޅުވިއެވެ.
އޭގެ އިތުރުން އަދި މި ކަމާ ގުޅޭ ތަފްސީލެއް ހާމަކޮށްފައެއް
މި ފަހުން ބިންވެރިޔާ ސްކީމުން ގޯތި ހައްގު ނޫން ބަޔަކަށް ގޯތި ދިން ކަމަށް ތުހުމަތު ކުރެވޭ މައްސަލައެއްގައި އެޗްޑީސީގެ އޭރުގެ މެނޭޖިން ޑިރެކްޓަރު އިބްރާހީމް ފަޒުލް ރަޝީދާއި އޭނާގެ ބޭބެ، އެމްޑަބްލިޔުއެސްސީގެ ޑީއެމްޑީ މުހައްމަދު ފަޒީލް ރަޝީދު ހިމެނޭ ގޮތަށް ޖުމަލަ 24 މީހުންގެ ޕާސްޕޯޓު ހިފެހެއްޓިއެވެ.
އޭގެތެރެއިން ނުވަ މީހެއްގެ ޕާސްޕޯޓު ދޫކޮށްލާފައިވާ ކަމަށް މިދިޔަ މަހުގެ 30ގައި ފުލުހުން ވަނީ ބުނެފައެވެ.
ފާހަގަކޮށްލެވޭ ގޮތުގައި، ބަލަމުންދާ މައްސަލަތަކާ ގުޅިގެން ކުރިން ވެސް އޭސީސީން މީހުންގެ ޕާސްޕޯޓު ހިފަހައްޓާފައި އެބަ ހުއްޓެވެ.