ބޯކޮށް ވާރޭވެހި ގުގުރާނެ ކަމަށް ލަފާކޮށް މޫސުމާބެހޭ ޤައުމީ އިދާރާ، (މެޓް އޮފީހުން) ރ. އަތޮޅަށް ރީނދޫ ސަމާލު ނެރެފިއެވެ.
މެޓް އޮފީހުން ރާ އަތޮޅަށް ރީނދޫ ސަމާލު ނެރެފައި ވަނީ މިރޭގެ 19:15 އިން ފެށިގެން 23:00 އަށެވެ.
އެ އޮފީހުން ބުނީ މި ވަގުތު އެ ސަރަހައްދަށް ބޯކޮށް ވާރޭވެހުމާއެކު ގުގުރާނެ ކަމަށް ލަފާކުރެވޭ ކަމަށެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ވެސް ގަދަވާނެ ކަމަށް ވަނީ ލަފާކޮށްފައެވެ.
އެ އޮފީހުން މޫސުން ލަފާކުރާ ގޮތުގައި ރާއްޖޭގެ އުތުރާއި މެދުރާއްޖެތެރެއަށް ވިއްސާރަކުރުމާއެކު ގުގުރާނެ ކަމަށާއި ބައެއް ރައްތަކަށް ބޯކޮށް ވާރޭ ވެހޭނެއެވެ. އަދި ދެކުނުގެ އަތޮޅުތަކަށް ކެރީގެ އަސަރު ފޯރާނެ ކަމަށާއި ގުގުރުން އެކަށިގެންވާކަމަށް ވަނީ ލަފާކޮށްފައެވެ.
ރާއްޖޭގެ ދެކުނުގެ އަތޮޅުތަކަށް ހުޅަނގާއި ހުޅަނގު އުތުރުން އެހެން ހިސާބުތަކަށް އިރު އުތުރާއި އިރުން ގަޑިއަކު ހަ މޭލާއި 16 މޭލާއި ދެމެދުގެ ބާރުމިނުގައި ވައި ޖެހޭނެ ކަމަށާއި ވިލާގަނޑަކު ގަޑިއަކު 30 މޭލަށް ވައިގަދަވާނެ ކަމަށް ވަނީ މެޓް އޮފީހުން ވަނީ ލަފާކޮށްފައެވެ.