މިރޭ ފަށާ ގޯލްޑަން ފުޓްސަލް މުބާރާތުގެ ޕްލެޓިނަމް ޕާޓްނަރެއް ގޮތުގައި އުރީދޫ މޯލްޑިވްސްއާ އެކު މިއަދު ސޮއިކޮށްފިއެވެ.
މި އަހަރުގެ ގޯލްޑަން ފުޓްސަލް ޗެލެންޖުގައި ރާއްޖޭގެ އެކި ހިސާބުތަކުން 130 ޓީމެއް ބައިވެރިވާއިރު ޖުމުލަ 320 މެޗު ކުޅެން ވަނީ ހަމަޖެހިފައެވެ.
މިރޭ ފަށާ މުބާރާތް އަންނަ މަހުގެ 25 ވަނަ ދުވަހާ ހަމައަށް ކުރިއަށްދާނެއެވެ.
މި މުބާރާތް ބޭއްވުމަށް ހަމަޖެހިފައިވަނީ މިރެއިން ފެށިގެން އަންނަ ފެބުރުއަރީ މަހުގެ 25 ވަނަ ދުވަހާއި ހަމައަށެވެ ހަމައަށެވެ. މުބާރާތުގެ މެޗުތައް ކުޅޭނީ ހުޅުމާލޭގައެވެ.
މިރޭ މުބާރާތް ފަށަން ހަމަޖެހިފައިވަނީ 2023 ވަނަ އަހަރުގެ ޗެމްޕިއަން ލ. ގަން އަދި މިދިޔަ އަހަރުގެ ޗެމްޕިއަން ބ. އޭދަފުށި ޓީމު ބައްދަލުކުރާ ޗެރިޓީ ޝީލްޑް މެޗަކުންނެވެ.
ގޯލްޑަން ފުޓްސަލް ޗެލެންޖަކީ 2015 ވަނަ އަހަރުން ފެށިގެން ކޮންމެ އަހަރު ވެސް ބާއްވަމުން އަންނަ ވަރަށް ފޯރިގަދަ ފުޓްސަލް މުބާރާތެކެވެ. މިއީ އުރީދޫ މޯލްޑިވްސްއިން މި މުބާރާތުގެ ޕްލެޓިނަމް ޕާޓްނަރެއްގެ ގޮތުގައި ބައިވެރިވާ ތިންވަނަ ފަހަރެވެ.
އުރީދޫން ބުނީ، މި އަހަރު ވެސް ގޯލްޑަންގެ މެޗުތައް ބަލަންދާ ސަޕޯޓަރުންނާއި ޓީމުތަކަށް ޚާއްސަ ހަރަކާތްތަކެއް ރާވާފައިވާ ކަމަށެވެ.