ވެމްކޯއިން ރާއްޖޭގެ ސަރަހައްދީ ސިޓީތަކާއި ރަށްރަށުގައި ފޯރުކޮށްދޭ ޚިދުމަތްތަކުގެ ތެރެއިން، ކުނި މެނޭޖްކުރާ މަރުކަޒުތަކަށް ކުނި އުކާލާ ފަރާތްތަކުގެ އަތުން ނަގާ ގޭޓުފީ މިއަދުން ފެށިގެން ކުޑަކޮށްފިއެވެ.
ވެމްކޯއިން އިއްޔެ ކުރި އިއުލާނެއްގައިވަނީ ކުނި މެނޭޖްކުރާ މަރުކަޒުތަކަށް ކުނި އުކާލާ ފަރާތްތަކުގެ އަތުން ނަގާ ގޭޓުފީއަށް މުހިންމު ބަދަލެއް ގެންނަން ނިންމާފައިވާ ކަމަށެވެ. އެ ގޮތުން ކުނި އުކާ އުޅަނދުގެ ރެޖިސްޓްރީ ކުރެވިފައިވާ ބަރުދަނަށް ބަލައި، ޓަނަކަށް ނަގަމުން އައި ގޭޓު ފީ، ޖެނުއަރީ އެކަކުން ފެށިގެން 106 ރުފިޔާއަށް ކުޑަކޮށްފައިވާ ކަމަށްވަނީ އިއުލާންކޮށްފައެވެ.
ގޭޓު ފީގެ ގޮތުގައި މީގެ ކުރިން ނަގަމުން އައީ 212 ރުފިޔާއެވެ.
މިދިޔަ މެއި މަހުގެ ތެރޭގައި ވެމްކޯއިން ވަނީ މާލެ ސަރަހައްދުގައި ކުނި ނަގާ ޕިކަޕުގެ ފީ 750 ރުފިޔާއިން 500 ރުފިޔާއަށް ކުޑަކޮށްފައެވެ.