މީލާދީ އަހަރަށް ބަނދުކުރުމަށްފަހު ދެން ރެކޯޑްސްތައް ސާފުކޮށްދެވޭނީ ބަންދު ނިމި ސަރުކާރު އޮފީސްތައް ހުޅުވުމުން ކަމަށް ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން (ޑީޖީއޭ)އިން މިއަދު ބުނެފިއެވެ.
މީލާދީ އައު އަހަރާ ގުޅިގެން ރެކޯޑުތައް ސާފުކުރުމާ ގުޅޭގޮތުން ޑީޖޭއޭއިން ނެރެފައިވާ ބަޔާނުގައި ވަނީ އަންނަ އަހަރުގެ ޖެނުވަރީ އެއްވަނަ ދުވަހާއި، ދެވަނަ ދުވަހަކީ ސަރުކާރު ބަންދު ދެ ދުވަސް ކަމަށެގެވެ.
އެހެންވެ މާދަމައިން ފެށިގެން ކުށާއި ދަރަނީގެ ރެކޯޑު ސާފުކުރުމަށް އެދޭ ފަރާތްތަކުގެ ރެކޯޑު ސާފުކޮށްދެވޭނީ ބަންދު ދުވަސްތައް ނިމި ސަރުކާރު އޮފީސްތައް ހުޅުވުމުން ކަމަށެވެ.
ސަރުކާރު އިދާރާތަކާއި ބޭންކުތައް ވެސް ވަނީ އައު އަހަރާ ގުޅިގެން ބަންދުކޮށްފައެވެ.
ޑީޖޭއޭކީ އަދުލުއިންސާފު ގާއިމްކުރުމުގެ ބާރުގެ ތެރޭގައި ހިމެނޭ ދައުލަތުގެ އޮފީސްތަކުގެ މާލީ ކަންކަން ހިންގައި ބެލެހެއްޓުމުގެ ޒިންމާ ހަވާލުކުރެވިފައިވާ އޮފީހެވެ.