ދިރާގުގެ ލިމިޓެއްނެތް 30އެމް ނުވަތަ އެއަށް ވުރެ މަތީ ޕެކޭޖަކަށް އަޕްގްރޭޑްކޮށްގެން ކޮންމެ ހަފުތާއަކު ސްމާޓް ޓީވީއެއް ހޯދުމުގެ ފުރުސަތު އެކުންފުނިން ހުޅުވާލައިފިއެވެ.
މި ޕްރޮމޯޝަން ކުރިއަށް ދާނީ އަންނަ މަހުގެ 30ގެ ނިޔަލަށެވެ.
މި ޕްރޮމޯޝަންގައި ލިމިޓެއްނެތް 30އެމް ޕެކޭޖް ނުވަތަ އެއަށް ވުރެ މަތީގެ ޕެކޭޖަކަށް އަޕްގްރޭޑްކޮށްފައިވާ ކަސްޓަމަރުންގެ ތެރެއިން ކޮންމެ ހަފުތާއަކު ނަސީބުވެރިއަކު ހޮވުމަށް ވަނީ ހަމަޖެހިފައެވެ.
ދިރާގުގެ ޚިދުމަތް މިހާރު ބޭނުންކުރަމުންދާ އަދި އަލަށް ދިރާގާ ގުޅޭ ފައިބާ ބްރޯޑްބޭންޑް ކަސްޓަމަރުންގެ ތެރެއިން ޝަރުތު ހަމަވާ ހުރިހާ ފަރާތްތައް މި ގުރުއަތުގައި އޮޓޮމެޓިކްކޮށް ބައިވެރިކުރެވޭނެއެވެ.
އަދި ކޮންމެ ނަސީބުވެރި ފަރާތަކަށް އިނާމެއްގެ ގޮތުގައި 65 އިންޗީގެ ސްކައިވޯތު ޔޫއެޗްޑީ 4ކޭ ސްމާޓް ޓީވީއެއް ލިބޭނެއެވެ.
ދިރާގުގެ ލިމިޓެއްނެތް ޕެކޭޖުތަކަކީ ކަސްޓަމަރުންގެ ޑިޖިޓަލް ދިރިއުޅުމަށް ފެތޭ، ސްޓްރީމްކޮށް، ގޭމްކުޅެ އަދި ބްރައުސްކުރުމަށް އެންމެ ފުރިހަމަ ޕެކޭޖްތަކެއް ކަމަށާއި މި ތަފާތު ޕެކޭޖުތަށް މެދުވެރިކޮށް ދިރާގު ކަސްޓަމަރުންނަށް ކުރިއަށް ވުރެ ރަނގަޅު ފެންވަރުގެ އިންޓަނެޓް ޚިދުމަތް އެކި ސްޕީޑްތަކާއި ހުސްނުވާ ޑޭޓާ އެލަވަންސްތަކާ އެކު ލިބޭނެކަމަށް ދިރާގުން ވަނީ ފާހަގަކޮށްފައެވެ.
މި ޕްރޮމޯޝަން އަދި ދިރާގު ލިމިޓެއްނެތް ފައިބާ ބްރޯޑްބޭންޑް ޕެކޭޖްތަކާ ބެހޭ އިތުރު މައުލޫމާތު https://bit.ly/UpgradeAndWin މި ލިންކު މެދުވެރިކޮށް ލިބޭނެއެވެ.