ޗެމްޕިއަންކަން ބީޖީ ހޯދައިފި

ޔުނައިޓެޑް ވިކްޓަރީ އަތުން 8-0އިން މޮޅުވެ ދެ ވަނަ ޑިވިޝަން ފުޓްބޯޅަ މުބާރާތުގެ ޗެމްޕިއަންކަން ބީޖީ ސްޕޯޓްސް ކުލަބް ހޯދައިފި އެވެ.

ހުސްވި ހަފްތާގެ ބުދަ ދުވަހު، ގަލޮޅު ދަނޑުގައި ކުޅުނު ފައިނަލް މެޗުގައި ޔުނައިޓެޑް ވިކްޓަރީ ކޮޅަށް ބީޖީން ޖެހި އެޓީމުގެ ގޯލްތައް ކާމިޔާބު ކޮށްދިނީ ސްރީލަންކާ ގައުމީ ޓީމުގެ ފޯވާޑް އެޑިރިބަންޑަނާގެ ޗަންނަ އާއި އަލީ ޝިނާޒް އަދި ހެޓްރިކް ހެދި އަލީ ސަހީމެވެ. މިމެޗުގައި ބީޖީގެ ޗަންނަ އާއި ޝިނާޒް ވަނީ ކޮންމެ ކުޅުންތެރިޔަކު ދެ ލަނޑު ޖަހައިފައެވެ.

މުބާރާތުގެ އެންމެ މޮޅު ކުޅުންތެރިޔަކަށް ބީޖީ ސަހީމް ހޮވުނުއިރު، މުބާރާތުގެ އެންމެ މޮޅު ގޯލްކީޕަރަކަށް ހޮވުނީ ހުރާ ހުއްރިއްޔާގެ އަހުމަދު އަރީޝް އެވެ. އަދި މުބާރާތުގެ ފެއާ ޕްލޭ ޓީމަކަށް ހޮވުނީ ޗެމްޕިއަން ބީޖީ އެވެ.

މުބާރާތުގެ ޗެމްޕިއަން ހޯދި ބީޖީއާއި ޔުނައިޓެޑް ވިކްޓަރީ ވަނީ ދިރާގު ދިވެހި ލީގަށް ކޮލިފައިވުމަށް ކުޅޭ ކޮލިފިކޭޝަނުން ޖާގައެއް ހޯދައިފައެވެ. އެގޮތުން މިދެޓީމް ކޮލިފިކޭޝަނުނުގައި ބައްދަލުކުރާނީ ލީގުގައި އެންމެ ފުލަށްދާ ދެޓީމާއެވެ. އެގޮތުން މިމެޗްތަކުން އެންމެ ގިނަ ޕޮއިންޓް ހޯދާ ދެ ޓީމަކަށް ލީގުން ޖާގަ ލިބޭނެއެވެ.