ރީފްސައިޑުން ސިޓިޒަންގެ މަޝްހޫރު "ޕްރޯމާސްޓާ ސިލްސިލާ"ގެ 35 އަހަރުގެ ޖުބައިލީ ފާހަގަކުރުމުގެ ގޮތުން ނުވަ އައު މޮޑެލްގެ ޚާއްސަ ކަލެކްޝަނެއް ތައާރަފުކޮށްފިއެވެ.
ރީފް ސައިޑުން ބުނިގޮތުގައި އޭގެ ތެރޭގައި ތިން ލިމިޓެޑް އެޑިޝަން ގަޑި ހިމެނެއެވެ. އެ ކަލެކްޝަން ފަރުމާކޮށްފައި ވަނީ ކަނޑާއި، އުދަރެހާއި އެއްގަމަށް އަމާޒުކޮށެވެ. އެއީ 1989 ވަނަ އަހަރުން ފެށިގެން ޕްރޯމާސްޓާ ބްރޭންޑްގެ މަގްސަދު ކަމުގައިވާ ހިތްވަރުގަދަކަމާއި އައު ތަޖުރިބާތައް ހޯދުމުގެ ރޫހު ދައްކުވައިދޭ ކަލެކްޝަނެއް ކަމަށް ރީފްސައިޑުން ބުންޏެވެ.
ކަޑަށް ޚާއްސަކޮށްފައިވާ މޮޑެލް، "މެކޭނިކަލް ޑައިވާ 200މ" ފަރުމާކޮށްފައި ވަނީ ސިޓިޒަންގެ މަޝްހޫރު "ފުޖިޓްސުބޯ ޑައިވާ" އިން އިލްހާމު ލިބިގެންނެވެ. މިއީ އެތައް އަހަރެއް ވަންދެން ކަނޑުއަޑީގައި އޮވެ، ގޮނޑުދޮށަށް އެރި ނަމަވެސް މަސައްކަތްކުރި ގަޑިއެއް ކަމަށް ރީފްސައިޑުން ބުންޏެވެ. މި ޚާއްސަ އެޑިޗަންގެ ޑައަލާއި ބެޒަލްގައި ވަނީ ކަނޑުގެ ކުލަތައް ބޭނުންކޮށްފައެވެ. އަދި އެ ގަޑީގެ ކޭހާއި ބްރޭސްލެޓް ހަދާފައިވަނީ ސުޕަ ޓައިޓޭނިއަމްއިންނެވެ. އަދި ސިޓިޒަންގެ އަމިއްލަ ޓެކްނޮލޮޖީ ކަމަށްވާ ޑިއުރަޓެކްޓް ޕްލެޓިނަމް ބޭނުންކޮށްގެން ފެހި ނުދާނެހެން ވަނީ ހަދާފައެވެ.
އަނެއް ދެ ގަޑިއަކީ އުދަރެސް ސިލްސިލާގެ ދެ މޮޑެލްއެކެވެ. ލިމިޓެޑް އެޑިޝަން އީކޯ-ޑްރައިވް، ރޭޑިއޯ-ކޮންޓްރޯލްޑް މޮޑެލް ފަރުމާކޮށްފައިވަނީ ގުތުބު ސަރަހައްދެއްގައި ފެންނަ "މިޑްނައިޓް ސަން" ފެނުމުން އިލްހާމް ލިބިގެންނެވެ. މި ގަޑީގައި ގްރޭ އަދި ސަކުރާގެ ކުލަތައް ހިމެނެއެވެ. އަދި އެއީ ދުނިޔޭގެ ހުރިހާ ސަރަހައްދަކާއެކު ސިންކްރަނައިޒް ވާނެފަދަ ގަޑިއެއްކަމަށް ރީފްސައިޑުން ބުންޏެވެ.
އުދަރެސް ސިލްސިލާގެ ދެވަނަ މޮޑެލްއަކީ އީކޯ-ޑްރައިވް، ޖިއޯ-ޑްރައިވް ކަލެކްޝަނެވެ. އެކްސްޕްލޯރަރުން ފަރުމާކޮށްފައިވާ އެ ގަޑީގައި އެޑްވާންސް ކެލް ހިމެނެއެވެ. އެޗް864 މޫވްމަންޓްގައި އީކޯ-ޑްރައިވް ގްލޯބަލް ރޭޑިއޯ-ކޮންޓްރޯލްޑް ޓެކްނޮލޮޖީ އެގަޑީގައި ހިމަނާފައިވެއެވެ. އެ ގަޑީގެ ޑައަލްގައި އުތުރު ދުނިޔޭގެ ބައްރުތަކުގެ މެޕާއި ޔޫޓީސީ އިންޑިކޭޓަރު ހިމަނާފާއިވާއިރު، އެއީ އައު ތަންތަނަށް ދަތުރުކުރާ މީހުންނަށް އެންމެ އެކަށީގެންވާ ގަޑިކަމަށް ރީފްސައިޑުން ވަނީ ބުނެފައެވެ.
މީގެ އިތުރުން އީކޯ-ޑްރައިވް ކޮމްބިނޭޝަން ކަލެކްޝަންގެ ތެރޭގައި އައުޓްޑޯ އެކްސްޕެޑިޝަންތަކަށް އަމާޒުކޮށްގެން ހަދާފައިވާ ހަތަރު މޮޑެލްއެއް ހިމެނެއެވެ. އޭގެ ތެރެއިން އެއް މޮޑެލްއަކީ ލިމިޓެޑް އެޑިޝަންކަމަށް ރީފްސައިޑުން ބުންޏެވެ. އެ ސިލްސިލާގެ ކޮންމެ ގަޑިއެއްގައި ހައި ކޮންޓްރާސްޓް މެމޮރީ އިން ޕިކްސެލް (އެމްއައިޕީ) ޑިސްޕެލޭއެއް ހުންނައިރު، އޭގެ ސަބަބުން ގަޑީގެ އެކި ފަންކްޝަންތައް ފަސޭހައިން ފެންނާނެއެވެ.
އެ ފަންކްޝަންތަކުގެ ތެރޭގައި:
- ޕާޕެޗުއަލް ކަލަންޑާ
- ވޯލްޑް ޓައިމް
- ކްރޮނޮގްރާފް
- ޓައިމާ
- އެލާމް
- ލައިޓް ލެވަލް އިންޑިކޭޓާ
- ކޮމްޕާސް
ރީޕްސައިޑުން ބުނީ މި ކަލެކްޝަނާއެކު ސިޓިޒަންގެ އައު އީޖާދުތަކާއި މަތީ ފެންވަރުގެ އުފެއްދުންތެރިކަމާއި ހުރަސްތައް ފަހަނައަޅާ ދިޔުމުގެ ރޫހު ދަމަހައްޓާނެކަން އަލުން ޔަގީންކޮށްދޭ ކަމަށެވެ.