ފުޅާ ދާއިރާއެއްގައި ރައްޖޭގައި ހަށިވިއްކި ފަސް ބިދޭސީ އަންހެނުންނާއި އެޖެންޓުންގެ ގޮތުގައި މަަސއްކަތް ކުރި ދެ ބިދޭސީ ފިރިހެނުން އަތުލައިގެންފިއެވެ.
މިކަމާ ގުޅިގެން އިމިގްރޭޝަނުން ކުރި ޕޯސްޓެއްގައި ވަނީ، ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރާ ބިދޭސީން ހޯދުމަށް އިމިގްރޭޝަނާއި ފުލުހުން ގުޅިގެން މިމަހު ހާއްސަ އިންސްޕެކްޝަން ތަކެއް ހިންގާފައި ވާކަމަށެވެ.
އެގޮތުން ފަސް މައްސަލައަކާ ގުޅިގެން ބިދޭސީ ފަސް އަންހެނަކު އަދި އެޖެންޓުންގެ ގޮތުގައި މަސައްކަތް ކުރި ބިދޭސީ ދެ ފިރިހެނަކު އިމިގްރޭޝަންގެ ބެލުމުގެ ދަށަށް ގެނައި ކަމަށް އިމިގްރޭޝަނުްނ ބުންޏެވެ. އިމިގްރޭޝަނުން ވަނީ އެމީހުންގެ ވަނަވަރާއި ފޮޓޯ ވެސް އާންމު ކޮށްފައެވެ. އެގޮތުން އަތުލައިގެންފައި ވަނީ:
- ސުޕަޓްސަން ފުކައޯ، ތައިލޭންޑް، 21 އަހަރު
- ތަބޯ ސަކަނީ މާކެ، ސައުތު އެފްރިކާ، 42 އަހަރު
- ހަސިފަ ނަމަކުލާ، ޔުގަންޑާ، 36 އަހަރު
- އަސްމާ ހަޓުން، ބަންގްލަދޭޝް، 36 އަހަރު
- ޒައިރާ އަޓައެވާ، ރަޝިއާ، 38 އަހަރު
- މަމުން، ބަންގްލަދޭޝް، 36 އަހަރު
- ޖާހިރުލްއިސްލާމް، ބަންގްލަދޭޝް، 38 އަހަރު
މި މައްސަލަތައް ތަހުގީގު ކުރުމަށްފަހު ރާއްޖެ އަނބުރާ ނާދެވޭ ގޮތަށް މީގެތެރެއިން ތިން އަންހެނުން މިހާރު ވަނީ ޑީޕޯޓުކޮށްފައެވެ. އެއީ، ޒައިރާ އަޓައެވާ، ހަސިފަ ނަމަކުލާ އަދި ތަބޯ ސަކަނީ މާކެއެވެ.
ބާކީ ހަތަރު ބިދޭސީން ޑީޕޯޓުކުރުމުގެ މަސައްކަތް ކުރަމުން ދާކަމަށް އިމިގްރޭޝަނުން ބުންޏެވެ.
މި ސަރުކާރުން ދަނީ ގަވާއިދާ ޚިލާފަށް އުޅޭ ބިދޭސީން އަތުލައިގަތުމަށް ޚާއްސަ އޮޕަރޭޝަންތައް ކުރިއަށް ގެންދަމުންނެވެ. އަދި ހަށި ވިއްކާ ބިދޭސީން އަތުލައިގަތުމަށް ވެސް އޮޕަރޭޝަންތައް ކުރިއަށް ގެންދެއެވެ.
އެގޮތުން ހަށިވިއްކުމުގެ މައްސަލައިގައި ބިދޭސީން އަތުލައިގަނެ ޑީޕޯޓުކޮށްފައި މިގެ ކުރިން ވެސް އެބަހުއްޓެވެ.