ދިރާގުގެ ސީއެސްއާރުގެ ދަށުން އަންނަ އަހަރު ވެސް ރާއްޖޭގެ އެކި ކަންކޮޅުތަކުގައި ގާއިމުކޮށްފައިވާ އަމާން ވެށި އަދި އަމާން ހިޔާތަކަށް އެހީ ފޯރުކޮށްދޭން ނިންމައިފިއެވެ.
އިޖުތިމާއީ އަދި އާއިލީ ތަރައްގީއާ ބެހޭ ވުޒާރާގެ ދަށުން ގާއިމުކޮށްފައިވާ އެ ތަންތަނަށް ދިރާގުން މިހާރު ވެސް އަންނަނީ އެހީ ދެމުންނެވެ.
ދިރާގުން ބުނި ގޮތުގައި، މި ޕްރޮގްރާމުގެ މަގުސަދަކީ ޑިޖިޓަލް ލިޓަރަސީ ކުރިއަރުވާ ދައުލަތުގެ ބެލުމުގެ ދަށުގައިވާ ކުދިންގެ ތައުލީމީ ބޭނުންތަކަށް އެހީވުން ކަމަށެވެ.
މި ޕްރޮގްރާމުގެ ދަށުން ހަލުވި ސްޕީޑުގައި ދިރާގު ފައިބާ އިންޓަނެޓް ރާއްޖޭގެ އެކި ކަންކޮޅުތަކުގައި ގާއިމުކޮށްފައިވާ އެފްސީއެސްސީތަކަށް ފޯރުކޮށްދޭނެެވެ.
އޭގެތެރޭގައި، ބ. އޭދަފުށި، ށ. ފުނަދޫ، ހއ. ދިއްދޫ، ދ. ކުޑަހުވަދޫ، ލ. ފޮނަދޫ، ނ. މަނަދޫ، ޅ. ނައިފަރު، ފުވައްމުލައް ސިޓީ، ކުޅުދުއްފުށި ސިޓީ އަދި ސ. ހިތަދޫގައި ގާއިމުކޮށްފައިވާ އެފްސީއެސްސީތައް ހިމެނެއެވެ.
ކުޑަކުދިން ރައްކާތެރި ކުރުމާއި ޒުވާނުން ބާރުވެރި ކުރުމަކީ ސީއެސްއާރު ޕްރޮގްރާމުގައި ވަރަށް ޚާއްސަ އަހަންމިއްޔަތު ކަމެއްދޭ ދާއިރާއެއް ކަމަށް ދިރާގުން ވަނީ ބުނެފައެވެ. އަދި، ކުޑަކުދިންގެ ހައްގުގައި މަސައްކަތް ކުރާ އެކި އެންޖީއޯތަކަށް އެހީތެރިކަން ދިނުމަށް އިސްކަންދޭ ކަމަށް ބުނެއެވެ.