އާޓިފިޝަލް އިންޓެލިޖެންސްގެ އެހީގައި ދިވެހި ލިޔުންތައް އުފައްދައިދޭ 'ދިވެހިޖީޕީޓީ'އަށް، ކިޔައިދޭ އެއްޗެއް ލިޔެދޭ (ސްޕީޗް ޓު ޓެކްސްޓް) ފީޗާއާއެކު، އިތުރު މުހިންމު ފީޗާތަކެއް ތައާރަފުކޮށްފިއެވެ.
ދިވެހިޖީޕީޓީ އުފެއްދި ޖަވާބު ޕްރައިވެޓެޑް ލިމިޓެޑްގެ ސީއީއޯ މުހައްމަދު ޖައިލަމް ވިދާޅުވީ، ދިވެހިޖީޕީޓީއަށް އައު، މުހިންމު ޚިދުމަތްތަކެއް މިހާރު ތައާރަފުކޮށްފައިވާ ކަމަށެވެ.
އެންމެ މުހިންމު ފީޗާއެއްގެ ގޮތުގައި އޭނާ ފާހަގަ ކުރެއްވީ، މީހަކު ދައްކާ ވާހަކައެއް ލިޔުމަށް ބަދަލުކުރުމުގެ ޓެކްނޮލޮޖީއެވެ. އެގޮތުން އެއް ލިޔުމެއްގެ ގޮތުގައި ޓްރާންސްކްރިޕްޓް އުފެއްދުމާއި، ސްޕީކާ ޑައިއަރައިޒޭޝަންއާއެކު (އެކި މީހުން ދައްކާ ވާހަކަ ވަކިކޮށް) ޓްރާންސްކްރިޕްޓް ކުރެވޭ ގޮތަށް މިހާރު ދިވެހިޖީޕީޓީ ވެބްސައިޓްއިން މި ޚިދުމަތް ލިބޭނެ ކަމަށް ޖައިލަމް ވިދާޅުވިއެވެ.
ޝަރުޢީ ދާއިރާގައި ކޯޓުތަކުގެ އަޑުއެހުންތަކުގެ ޓްރާންސްކްރިޕްޓްތައް ތައްޔާރުކުރުމަށާއި، މީޑިއާ ދާއިރާގައި ނޫސްވެރިން އިންޓަވިއުތަކާއި ޕްރެސް ކޮންފަރެންސްތަކުގެ ޓްރާންސްކްރިޕްޓް އަވަހަށް ތައްޔާރުކުރުމަށް މި ޓެކްނޮލޮޖީ ބޭނުންކުރެވޭނެކަން އޭނާ ފާހަގަކުރެއްވިއެވެ.
މީގެ އިތުރުން ލިޔުމުން އަޑަށް (ޓެކްސްޓް ޓު ސްޕީޗް) ޚިދުމަތް ވެސް ވަނީ ދިވެހިޖީޕީޓީއަށް ތައާރަފުކޮށްފައެވެ. އެގޮތުން މިޚިދުމަތް ބޭނުންކޮށްގެން ދިވެހި ނެރޭޝަން އަދި ވޮއިސް އޯވާ ފަސޭހަކަމާއެކު އުފެއްދުމަށް ފުރުސަތު ލިބޭނެއެވެ. މިވަގުތު މިޚިދުމަތް ދެނީ "ހައްޖަ"ކިޔާ އަންހެން އަޑަކުން އެކަނި ކަމަށާއި ނަމަވެސް އަވަސް މުސްތަގުބަލެއްގައި އިތުރު އަޑުތައް ތައާރަފު ކުރާނެ ކަމަށް ޖައިލަމް ވަނީ ވިދާޅުވެފައެވެ.
'ޓެކްސްޓް ޓު ސްޕީޗް' ފީޗާ ޚިޔާރުކުރުމުން، އޯޑިއޯ ފައިލްއެއް އަޕްލޯޑް ކުރުމަށް އަރާ، އަދި އޯޑިއޯގައި ދައްކާ ވާހަކައެއް ލިޔެދޭ --
މިފަހަރުގެ އަޕްޑޭޓާއެކު އައި އިތުރު އެއް ބޮޑު ބަދަލަކީ ދިވެހިޖީޕީޓީއަށް ކްރެޑިޓް ސިސްޓަމެއް ތައާރަފު ކުރުމާއި އޮފީސްތަކަށް ޚާއްސަކޮށް ޓީމް ޕްލޭންތައް ތައާރަފު ކުރުމެވެ. އެގޮތުން ގިނަ އަދަދެއްގެ ކެރެޑިޓާއެކު ޓީމް ޕްލޭންތައް ތައާރަފުކޮށްފައިވަނީ އޮފީސް އެންމެންނަށް އެއް ޕްލޭންގެ ތެރެއިން ޚިދުމަތް ހޯދުމަށް ފަސޭހަކޮށްދިނުމަށް ކަމަށް ޖައިލަމް ވިދާޅުވިއެވެ.
މިއައު ކްރެޑިޓް ސިސްޓަމާއެކު އަމިއްލައަށް ދިވެހިޖީޕީޓީ ބޭނުންކުރާ މީހުންނާއި ޓީމްތަކަށް އައު އަގުހެޔޮ ޕްލޭންތަކެއް ތައާރަފު ކޮށްފައިވާ އިރު، މިޕްލޭންތަކަށް ބޮޑެތި ޑިސްކައުންޓްތަކާއެކު އަހަރު ދުވަހަށް ސަބްސްކްރައިބް ކުރުމުގެ ފުރުސަތު މިހާރު ހުޅުވާލައިފައިވާ ކަމަށް އޭނާ ވިދާޅުވިއެވެ.
އަދި އިތުރު އެހެން އައު ފީޗާތަކުގެ ތެރޭގައި ޢަރަބި، ހިންދީ އަދި ބަންގްލަދޭޝް ބަހަށް ތަރުޖަމާކުރުމުގެ ޚިދުމަތް ހިމެނޭކަންވެސް އޭނާ ވަނީ ފާހަގަކުރެއްވިއެވެ.
މިކަމުގެ ސަބަބުން ދިވެހިރާއްޖޭގައި ދިރިއުޅޭ ބިދޭސީންނާ މުޢާމަލާތް ކުރުމަށް ފަސޭހަވެގެންދާނެ އަދި ގިނަ ފަރާތްތަކުން އެދެމުން ގޮސްފައިވާ ޗެޓް ހިސްޓްރީ ބެލުމުގެ ފީޗާވެސް ވަނީ މިފަހަރުގެ އަޕްޑޭޓުގައި ގެނެވިފައި
ޖަވާބު ޕްރައިވެޓެޑް ލިމިޓެޑްގެ ސީއީއޯ މުހައްމަދު ޖައިލަމް
ޖައިލަމް ވިދާޅުވީ މި އައު ފީޗާތަކުގެ ސަބަބުން ދިވެހިޖީޕީޓީގެ ޚިދުމަތް އިތުރަށް ފުޅާވެ، ބޭނުންކުރާ ފަރާތްތަކަށް އިތުރު ފަސޭހަތަކެއް ލިބޭނެ ކަމަށެވެ. އަދި އަމާޒަކީ ދިވެހި ބަސް ޓެކްނޮލޮޖީގެ ރޮނގުން އިތުރަށް ތަރައްގީކޮށް، ދިވެހިންނަށް އާޓިފިޝަލް އިންޓެލިޖެންސްގެ ފައިދާ ފުރިހަމައަށް ލިބިދިނުން ކަމަށް އޭނާ ވިދާޅުވިއެވެ.