ދައުލަތަށް ގިނަ ދުވަހު ޚިދުމަތްކޮށް އެވޯޑު ލިބުނު އެމްޓީސީސީގެ މުވައްޒަފުންނާ އެކުންފުނީގެ މެނޭޖިން ޑިރެކްޓަރު އަޙުމަދު ސައުދީ ބައްދަލުކުރައްވައިފިއެވެ.
ދައުލަތަށް ޚިދުމަތް ކުރުމުގެ އެވޯޑު ލިބުނު މުވައްޒަފުންނަކީ ޙަސަން ޚަލީލްއާއި މުޙައްމަދު ޝަމީމްއާއި ޢަބްދުއްލަޠީފް އަޙުމަދާއި އަޙުމަދު ސާޖިދުއާއި މޫސާ ފަތުޙީގެ އިތުރުން މުޙައްމަދު ސިނާނެވެ.
އެ މުވައްޒަފުންގެ ތެރެއިން ޢަބްދުއްލަޠީފް އަޙުމަދު ފިޔަވައި ހުރިހާ މުވައްޒަފުން މަސައްކަތް މިހާރު ވެސް މަސައްކަތް ކުރަނީ އެމްޓީސީސީގައެވެ.
އެ ބައްދަލުވުމުގައި އެމްޑީ ސައުދީ ވަނީ އެ މުވައްޒަފުން އެމްޓީސީސީއަށް ކޮށްދިން މަސައްކަތަށް ޝުކުރު އަދާކުރައްވާފައެވެ.
މީގެއިތުރުން، އެވޯޑު ލިބުނު މުވައްޒަފުން ވަނީ އެވޯޑު ހާސިލްކުރުމަށް އެމްޓީސީސީން ކޮށްދިން މަސައްކަތަށް ޝުކުރު އަދާކޮށްފައެވެ. އަދި، އެވޯޑު ލިބުނީތީ އެއްބާރުލުން ދިން ފަރާތްތަކުގެ އަގުވަޒަންކޮށް، އެ ފަރާތްތަކުގެ ޝުއޫރު ހުރިހާ މުވައްޒަފުން ފާހަގަކޮށްފައިވެއެވެ.
މިއީ ދިވެހި ދައުލަތަށް 35އަހަރަށް ވުރެ ގިނަ ދުވަހު ޚިދުމަތް ކުރެއްވި ފަރާތްތަކަށް ދިން އެވޯޑެކެވެ.