ވިހިވަނަ ގަރުނުގައި ދިވެހީން ދުށް ހުވަފެން ހަގީގަތަކަށް ހައްދަވައިދެއްވީ ރައީސް ޑރ. މުޙައްމަދު މުއިއްޒު ކަމަށްދިވެހިބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަޞީރު އިބްރާހީމް މިރޭ ވިދާޅުވެއްޖެއެވެ.
ޖުމްހޫރީ ދުވަހުގެ ރަސްމީ ދުވަހުގެ ރަސްމީ ޖަލްސާގައި ވާހަކަދައްކަވަމުން ވަޒީރު ވިދާޅުވީ، ރާއްޖޭގެ ތާރީޚުގައި އެކި ވެރިކަންތައް ހިނގާފައިވާއިރު، އެ ވެރިކަންތަކުގައި ނަމަށް އަންނަ ބަދަލަށްވުރެ ކަމަށް އަންނަ ބަދަލު މުހިންމުވާ ކަމަށެވެ.
މިގޮތުން، ރައްޔިތުންނަށް މަންފާ ލިބުމުގައި އެންމެ ބޮޑު ދައުރެއް އަދާކުރަނީ ވެރިކަން ހިންގުމުގައި އޮންނަ އިޚްލާސްތެރިކަމުން ކަމަށް ވަޒީރު ވިދާޅުވިއެވެ.
އެހެންވީމާ އަޅުގަނޑު ފެށުމުގަ ވެސް ދަންނަވާލިހެން ވިހި ވަނަ ގަރުނުގެ ދިވެހީންގެ ހުވަފެން ހަގީގަތަކަށް ހައްދަވަައިދެއްވީ ރައީސް. ޑރ. މުޙައްމަދު މުއިއްޒު
ރައީސް މުއިއްޒާއި ވަޒީދު އާދަމް ނަސީރު ސަލާން ކުރައްވަނީ --- ފޮޓޯ/ ދިވެހި ބަހާ ސަގާފަތާ ތަރިކައާ ބެހޭ ވުޒާރާ
ކޮންމެ ރައްޔިތަކު ވެސް ހެޔޮ ވިސްނުން ކިރައި، ވަޒަންކޮށްލައިފިނަމަ ވިހިވަނަ ގަރުނުގައި ދިވެހީން ދުށް ހުވަފެން ހަގީގަތަކަށް ވާތަން ފެންނަނީ މިއަދު ކަން ހިތުގެ އެންމެ ފުން މިނުން ގަބޫލުކުރާނެ ކަމާމެދު ޝައްކެއް ނެތް ކަމަށް ވަޒީރު ވިދާޅުވެފައިވެއެވެ. އެކަމުގެ ފަހަތުގައި ތިން ސަބަބެއްވާ ކަން ވަޒީރު ވަނީ ފާހަގަކުރައްވާފައެވެ،
މިގޮތުން، ރައީސް މުއިއްޒުގެ ހިތްޕުޅުގައި އޮތް ދިވެހި ގައުމާއި ދިވެހީންނާ މެދު އޮތް ވިސްނުންފުޅު ހުށަހެޅުއްވީ ވަރަށް ތަރުތީބުން، ސާފުކޮށް، ލިޔެވި ހާމަވެގެންވާ ގޮތެއް ކަމަށް އޭނާ ވިދާޅުވެފައިވެއެވެ.
މިނިސްޓަރު ވިދާޅުވި ގޮތުގައި، އެކަމަށް ދިވެހީން އިތުބާރުކޮށް، އެ އަމާނާތް ރައީސް މުއިއްޒާ ހަވާލުކުރެއްވީއެވެ.
މީގެއިތުރުން، ކުރިއަށް އޮތް ވިހި އަހަރަށް ރާއްޖެ ބައްޓަން ކުރެވޭނެ ގޮތުގެ މާސްޓާ ޕްލޭން ރައީސް އެކުލަވާލައްވާފައިވާއިރު، އެ ޕްލޭންގައި ދިވެހި ހުރިހާ ރައްޔިތުންގެ ޚިޔާލުތައް އޭގައި ހިމެނުމަށް މަގުތައް ހުޅުވާލައްވާފައިވާ ކަމަށް ވަޒީރު ވިދާޅުވެފައިވެއެވެ.
އެހެންވެ، މުސްތަގްބަލުގައި ރާއްޖެ ހިނގާނީ ހުރިހާ ދިވެހީން ދަންނަ ބޭނުންވާ މިސްރާބަށްކަން އާދަމް ނަސީރު ވަނީ ފާހަގަކުރައްވާފައެވެ.