އެމްއައިބީން ތަފާތު، އާ އުފެއްދުންތަކެއް ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ހަވާ އެރުވުމާ އެއްކޮށް މިރޭ ބޭއްވި ހަފްލާގައި ތަފާތު އާ އުފެއްދުންތަކެއް ތައާރަފްކޮށްފިއެވެ.

އެމްއައިބީން ބުނީ، އެ ހަފްލާގައި ތައާރަފްކުރި އެންމެ ޚާއްސަ އެއް އުފެއްދުމަކީ އެ ބޭންކިންގެ އާ މޮބައިލް އެޕްލިކޭޝަން ކަމަށްވާއިރު، މި އެޕްލިކޭޝަން މެދުވެރިކޮށް އެކްސެސް އޮންނަ އެހެން އެކައުންޓުތަކަށް ތަަކަށް ސްވިޗު ކުރެވޭނެ ކަމަށެވެ.

އެޕްލިކޭޝަން މެދުވެރިކޮށް، އެޕްކުރުމުގެ އިތުރުން ކަސްޓަމަރުންނަށް ބޭނުންކުރަން ފަސޭހަ ގިނަ ކަންތައްތަކެއް ހިމަނާފައިވާ ކަމަށް އެ ބެންކުން މައުލޫމާތު ދެއެވެ.

އެޕްލިކޭޝަން އިތުރުން އެ ހަފްލާގައި އެމްއައިބީން ވަނީ 'ބިންގާ ކިޑްސް' އެކައުންޓް ތައާރަފްކޮށްފައެެވެ. އެ އެކައުންޓާ އެއްކޮށް ތިން ވައްތަރެއްގެ އެކައުންޓް ހިމެނޭ ބަންޑްލް ޕްކޭޖެއް ކޮންމެ ކުއްޖަކަށް ލިބޭނެ ކަމަށް އެ ބެންކުން މައުލޫމާތު ދެއެވެ.

އޭގެއިތުރުން، އެކައުންޓުތަކުގެ ތެރެއިން އެންމެ ޚާއްސައީ ބިންގާ ޓްރާންސެކްޝަން އެކައުންޓު ކަމަށްވާއިރު، މާލީ ގޮތުން ކުދިން ޒިންމާދާރު ކުރުމަށް ބެލެނިވެރިއެއްގެ ދަށުން ބޭނުން ކުރެވޭ މި އެކައުންޓަށް ކޭޝް ކާޑެއް ލިބޭނެއެވެ.

https://www.facebook.com/share/v/4DMDxBdeLSvm99D7/

އެކައުންޓު މެދުވެރިކޮށް، ޚަރަދު ކުރެވޭ ލިމިޓް ބެލެނިވެރިންނަށް ކަނޑައެޅި، ފަހަށް ރައްކާކުރުމަށް ކުދިންނަށް ބާރުވެސް އެޅޭނެއެވެ.

އެމްއައިބީން އިތުރަށް ބުނީ، ކޭޝް ކާޑުގެ ބަދަލުގައި ބޭނުން ކުރެވޭ އަނގޮޓިއެއް ތައާރަފްކޮށްފައިވާ ކަމަށާއި ކޭޝް ކަޑާ ދާދި އެއްގޮތަށް މަސައްކަތްކުރާ މި އަނގޮޓީގެ އެކި ޑިޒައިންތަކާއި ސައިޒުތައް ވެސް ލިބޭނެ ކަމަށެވެ.

އަންނަ އާދިއްތަ ދުވަހުން ފެށިގެން ބެންކުގެ ބިޒްނަސް ސެންޓަރު (ހ. މެރިންޑްރީމް) އިންނާއި ރަށްރަށުގައި ގާއިމުކޮށްފައިވާ ބްރާންޗުތަކުން އެ އަނގޮއްޓި ލިބެން ހުންނާނެ ކަމަށް އެމްއައިބީން ބުނެފައިވެއެވެ.

އެމްއައިބީއަކީ ޒަމާނީ ވަސީލަތްތަކުގެ އެހީގައި ބޭންޖިން ޚިދުމަތްދޭ ބޭންކެކެވެ. އެގޮތުން، ބޭންކަށް ނުގޮސް ވަގުތުން އެކައުންޓު ހުޅުވުމުގެ ޚިދުމަތް ރާއްޖޭގައި ދޭ ހަމައެކަނި ބޭންކަކީ އެމްއައިބީއެވެ.