އަޓިފިޝަލް އިންޓެލިޖެންސް (އޭއައި) ބޭނުންކޮށްގެން އައިނުގެ ދުނިގަނޑާއި ލެންސްގެ މިންތައް ނެގޭ ޑިވައިސެއް އައިކެއާގައި ތައާރަފުކޮށް ބޭނުން ކުރަން ފަށައިފިއެވެ.
އައިކެއާ އަކީ ރާއްޖޭގައި ލޮލުގެ ބަލިތަކަށް ފަރުވާދޭ އެންމެ ބޮޑު ހޮސްޕިޓަލެވެ.
އައިކެއާއިން ބުނީ ޖަޕާނުގެ ހޯޔާ ބޮރޭންޑްއިން އުފައްދާފައިވާ "ވިސުރިއަލް މާސްޓާ" ޑިވައިސް ބޭނުންކޮށްގެން ކުޑަ ވަގުތުކޮޅެއްގެ ތެރޭގައި އައިނުގެ ދުނިގަނޑައްލައްވާ ލޯކޮޅުގެ މިންތައް ޗެކްކޮއްލެވޭނެ ކަމަށެވެ.
މި ޑިވައިސް ބޭނުންކޮށްގެން އައިނުގެ ދުނިގަނޑައްލައްވާ ލޯކޮޅުގެ މިންތައް ޗެކްކުރުމަށް އެ ޑިވައިސްގެ ކުރިމަތީ އައިނު އަޅައިގެން ހުއްޓެންޖެހެއެވެ. އެ މިންތައް ނަގަން ހުންނަ އޮޕްޓިޝަން ޓެބްލެޓެއް ބޭނުންކޮށްގެން ފޮޓޯއެއް ނަގާނެއެވެ. ލޮލުގެ ކަޅިއާ އެއްވަރަށް އައިނުގެ މިންތައް މި ޑިވައިސްއިން ނޯޓުކުރާނެއެވެ. އަދި އިތުރު ބަދަލެއް ގެންނަންޖެހޭނަމަ ޓެބްލެޓްގެ އެހީގައި އެކަން ކުރެވޭނެ ކަމަށް ވެސް އައިކެއާއިން ވެނީ ބުނެފައެވެ.
އައިކެއާއިން ބުނި ގޮތުގައި، މި ޑިވައިސް ތައާރަފު ކުރީ ޒަމާނީ ޓެކްނޮލޮޖީއާއި އޭއައި ބޭނުންކޮށްގެން އަވަހަށް ކަސްޓަމަރުންނަށް ޚިދުމަތް ދިނުމުގެ ބޭނުމުގައެވެ. އެ ގޮތުން، ޑިވައިސް ބޭނުންކޮށްގެން މިނެޓެއްގެ ތެރޭގައި އައިނުގެ މިންތައް ޗެކްކޮއްލެވޭނެ ކަމައް އައިކެއާއިން ވަނީ ބުނެފައިވެއެވެ.
މީގެ އިތުރުން، ވިސުރިއަލް މާސްޓާ ޑިވައިސް ބޭނުންކޮށްގެން ރަނގަޅު ޚިދުމަތްތަކެއް ދިނުމަށް މަގުފަހިވާ ކަން ވެސް އައިކެއާއިން ވަނީ ފާހަގަކޮށްފައެވެ.