އިންގްލިޝް ޕްރިމިއާ ލީގަށް ނިސްބަތްވާ ލިވަޕޫލާއި މެންޗެސްޓާ ޔުނައިޓެޑް އާ ސީޒަނަށް ތައްޔާރު ވުމުގެ ގޮތުން ކުޅުނު ރަހްމަތްތެރިކަމުގެ މެޗު ލިވަޕޫލްއިން ފަސޭހަ ކަމާއެކު ކާމިޔާބު ކޮށްފިއެވެ.
އެމެރިކާއަށް ޕްރީ ސީޒަން ޓުއާ ކުރަމުންދާ މި ދެ ޓީމު ބައްދަލުކުރި މެޗު ކުޅެފައިވަނީ ސައުތު ކެރޮލައިނާގެ ވިލިއަމްސް ބްރައިސް ސްޓޭޑިއަމްގައެވެ. ދެ ޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މި މެޗުގައި ގިނައިރު ލިވަޕޫލްއިން ބޯޅަ ގެންގުޅުނުއިރު ގިނަ ހަމަލާ އުފައްދާފައި ވަނީ ޔުނައިޓެޑްއިންނެވެ.
މި މެޗުގެ ފުރަތަމަ ހާފުގައި ލަނޑު ޖަހާނެ ރަނގަޅު ފުރުސަތު ޔުނައިޓެޑަށް ލިބިގެންދިޔަ ނަމަވެސް ފުރަތަމަ ހާފު އެ ޓީމުން ނިންމާލީ ދެ ލަނޑު ސުން ލަނޑުން ފަހަތުގައި އޮވެގެންނެވެ. މިގޮތުން ލިވަޕޫލްއިން މެޗުގެ ފުރަތަމަ ލަނޑު ޖަހާފައިވަނީ މެޗުގެ 10 ވަނަ މިނެޓުގައެވެ. މި ލަނޑު އެ ޓީމަށް ޖަހައިދިނީ ފަބިއޯ ކަވާލިއޯއެވެ. އަދި މެޗުގެ 36 ވަނަ މިނެޓުގައި ކާޓިސް ޖޯންސް ޖަހާދިން ލަނޑުން ލިވަޕޫލްގެ ލީޑު ފުޅާވެގެންދިޔައެވެ.
މި މެޗުގެ ދެވަނަ ހާފުގައިވެސް ޔުނައިޓެޑަށް ލިބެމުންދިޔަ ފުރުސަތު ތަކުގެ ބޭނުން ނުހިފި ދިޔަތަން ފެނިގެންދިޔައިރު ލިވަޕޫލްއިން މި މެޗުގައި ކާމިޔާބު ކުރި ތިން ވަނަ ލަނޑު މެޗުގެ 61 ވަނަ މިނެޓުގައި ޖަހައިދިނީ ކޮންސްޓަންޓިނޯސް ސިމިކާސްއެވެ. މި ފަހަރުގެ ޕްރީ ސީޒަން ޓުއާގައި ޔުނައިޓެޑުން އެންމެ ބޮޑަށް ފާހަގަ ވެގެންދިޔައީ އެ ޓީމަށް ކުރިމަތިވަމުންދާ އަނިޔާގެ މައްސަލަ ތަކެވެ.
މި ގޮތުން ޓީމުގެ އެންމެ މުހިންމު ފޯވAޑް ރަސްމުސް ހޮއިލުންޑްއަށް އަނިޔާވެ ސެޕްޓެމްބަރު މަހުގެ ކުރިން ނުކުޅެވޭނެކަން ޔަގީން ވެފައިވާއިރު އެ ޓީމާއި އަލަށް ގުޅުނު ފޯވަޑް ޖޯޝުއާ ޒާކްޒީ މި ފަހަރުގެ ޓުއާގައި ބައިވެރިވެފައެއް ނުވެއެވެ. އަދި މާކަސް ރަޝްފަޑްއަށް ވެސް ވަނީ އެންމެ ފަހުން ކުޅުނު މެޗުގައި އަނިޔާވެފައެވެ. އެހެންކަމުން މި ފަހަރުގެ ޓުއާގައި ބޮޑަށް ފެނިގެންދިޔައީ އަމަދު ޑިއާލޯ ކުރީސަފުގައި ހަރަކާތްތެރިވަމުންދިޔަ ތަނެވެ. ނަމަވެސް މި މެޗުގައި ލިބުނު ގިނަ ފުރުސަތު ތަކުގެ ބޭނުން ނުހިފުމުން އެ ޓީމުގެ ފޯވާޑް ލައިންގައި މައްސަލަ ތަކެއް ހުރިކަން ފާހަގަވެގެންދިޔައެވެ. މި ކާމިޔާބީއާއެކު ޔުނައިޓެޑުން ޕްރީ ސީޒަން ޓުއާ ނިންމާލާފައިވާއިރު މި އަންނަ ހޮނިހިރު ދުވަހު ނިކުންނާނީ ކޮމިއުނިޓީ ޝީލްޑް މެޗަށް މެންޗެސްޓާ ސިޓީ އާ