ކްރީމީ ވޭވްގެ އުފެއްދުންތަކަކީ ގުދުތަރީ ބާވަތްތަކުން އުފައްދާފައިވާ ސިއްހަތައް ފައިދާ ހުރި ބަޓަރެކެވެ. ނަމަވެސް، މި އުފެއްދުން އެންމެ ޚާއްސަ ވަނީ މިއީ ދިވެހި އުފެއްދުމަކައް ވާތީއެވެ.
ކްރީމީ ވޭވް ބްރޭންޑުން އުފައްދާ، ޕީނަޓް ބަޓަރުފަދަ ތަކެތި ތައްޔާރުކުރުމަށް މުހައްމަދު ރަޔާން ޝައުގުވެރިވީ މީގެ ދެތިން އަހަރު ކުރިން ރައްޖޭން ބޭރަށް ކުރި ދަތުރެއްގެ ތެރެއިންނެވެ.
އެ ޝައުގުވެރިކަމުގެ ތެރެއިން މަސައްކަތް ފަށާ އޭނާ އުފަންކުރުވީ ކްރީމީ ވޭވްގެ ދެ އުފެއްދުމެކެވެ. އެއީ، "ޕީނަޓް ބަޓަރު" އަދި "ކަޖޫނަޓް ބަޓަރު" އެވެ.
ސިއްހަތަށް ފައިދާހުރި، ރަހަމީރު ލުއިކާނާއެއްގެ ގޮތުގައި ވެސް ބޭނުން ކުރެވޭ މި ދެ ބާވަތަކީ ހަމައެކަނި ހަނާކުރި ބަދަނާއި ކަޖޫ، އޭގެ ގުދުރަތީ ފުރިހަމަކަމުގައި ބޭނުންކޮށްގެން އުފައްދާފައިވާ އުފެއްދުމެކެވެ. މި އެފެއްދުންތަކުގައި ޕްރޮޓީންސް، ހަށިގަނޑަށް ރައްކާތެރި ފެޓްސް، ވިޓަމިންސް އަދި މިނެރަލްސް އެކުލެވެއެވެ.
މިއީ ދުޅަހެޔޮ ސިއްހަތެއްގައި ދެމިހުރުމަށް މަސައްކަތް ކުރާ މީހުންނަށް "ގިލްޓް ފްރީ"ކޮށް ކާލެވޭ އަދި އަވަދިނެތިގެން އުޅޭއިރު މައިންބަފައިންނަށް އެ މީހުންގެ ދަރިންނަށް ވެސް ކާންދެވޭނެ އުފެއްދުމެކެެވެ.
ކްރީމީ ވޭވްގެ ބާނީ ރަޔާން ވިދާޅުވީ، މި ބްރޭންޑުގެ އެންމެ ބޮޑު މަގުސަދަކީ ދިވެހިންނަށް ރަހަމީރު އަދި ސިއްހަތަށް ފައިދާހުރި ބްރޭންޑެއް އުފެއްދުން ކަމަށެވެ.
"އަޅުގަނޑުމެން މި ތައާރަފްކުރާ ދެ ބާވަތެއްގެ ނަޓް ބަޓާސްއަކީ ޕާނާއި މޭވާ އަދި ތަރުކާރީގެ ބާވަތްތަކާއެކު މީރުކޮށްލައިގެން ކާލަން ރަނގަޅު ދެ ބާވަތް، އަދި ބޭކް ވެސް ކުރެވޭނެ ސިއްހަތަށް ފައިދާ ހުރި ދެ ބަޓަރު. އެންމެ ފަހަރަކު ވެސް ކްރީމީ ވޭވް ބޭނުނޖްކޮށްލައިފި ނަމަ ހަމަ އަތުން ދޫކޮށްލާހިތެއް ނުވާނެ،" އޭނާ ވިދާޅުވިއެވެ.
ކްރީމީ ވޭވްގެ އުފެއްދުންތައް ރަހަ ބަލައިލުމުގެ ފުރުސަތު، މިހާރު ހުޅުމާލެ ސެންޓަރަލް ޕާކުގައި ކުރިއަށްދާ "ފުޑް ކާނިވަލް"ގެ ކްރީމީ ވޭވް ސްޓޯލުން ލިބޭނެއެވެ. އަދި ރާއްޖޭގެ އެކިއެކި ފިހާރަތަކުން މި ދެ ބާވަތް މިހާރު ލިބެން ހުންނާނެއެވެ. މި ދެ ބާވަތުގެ ބައި ކިލޯ އަދި އެއް ކިލޯގެ ޓަބް ވެސް ވަނީ ތަޢާރަފްކޮށްފައެވެ. މިއީ ރެސްޓޯރަންޓްތަކާއި ރިސޯޓް ސަފާރީ އަދި ގެސްޓް ހައުސް ތަކަށް އަމާޒުކޮށް ތަޢާރަފްކުރި ބޮޑެތި ކޮންޓެއިނަރ ޓަބްތަކެކެވެ.
މި އުފެއްދުންތައް ހޯލްސޭލް ކުރަން ބޭނުންވާ ފަރާތްތަކަށް ކްރީމީވޭވްގެ ވެބްސައިޓު އަދި އިންސްޓަގްރާމުން އެ ފުރުސަތު ވެސް ހޯދޭނެއެވެ.