މިއަހަރުގެ ހައްޖު މޫސުމުގައި އުދުހޭ ޓެކްސީއާއި ޑްރޯންތައް ޓެސްޓް ކުރަން ހަމަޖެހިފައިވާ ކަމަށް ސައުދީ އަރަބިއްޔާގެ ދަތުރުފަތުރާބެހޭ ވަޒީރު ޞާލިޙް އަލް ޖާސިރު ވިދާޅުވެއްޖެއެވެ.
އަލް އަރަބިއްޔާ ނޫހަށް ދެއްވި އިންޓަވިއުއްގައި ޖާސިރު ވިދާޅުވީ އުދުހޭ ޓެކްސީގެ އެންމެ ރަނގަޅު އުފެއްދުން ފޯރުކޮށްދިނުމަށް ކުންފުނިތަކުގެ މެދުގައި ވަރަށް ބޮޑު ވާދަވެރިކަމެއް އޮތް ކަމަށާއި އޭގެ ބޭނުން ހިފަން ޖެހޭ ކަމަށެވެ.
އޭޏާ ވިދާޅުވީ އެ ދާއިރާ މަޑުމަޑުން ފުޅާވަމުން އަންނައިރު، މި އާ ޓެކްނޮލޮޖީތައް ތައާރަފުކުރުމަކީ ސައުދީގެ ދަތުރުފަތުރަށް ވަރަށް މުހިންމު ކަމެއް ކަމަށެވެ.
"އެހެންވީމާ، މި ޚިދުމަތްތަކުން ފައިދާ ހޯދުމަށާއި ހައްޖު މޫސުމުގައި އެންމެ ބޮޑަށް ބޭނުންހިފުމަށް އަޅުގަނޑުމެން [މި ޓެކްނޮލޮޖީގެ] އެންމެ ކުރީ ސަފުގައި ތިބެން އެބަޖެހޭ،" ޖާސިރު ވިދާޅުވިއެވެ.
މިއަހަރުގެ ހައްޖު މަސް ފެށޭނީ އަންނަ ޖޫން މަހުގެ އަށެއްގައި ކަމަށްވާއިރު ހައްޖު ދުވަހަކީ 16 ވަނަ ދުވަހެވެ.