ގޫގުލްއިން އާ ކެމެރާ އެކްސްޕީރިއަންސެއް އެ ކުންފުނީގެ މެސެޖް އެޕްގެ ތެރޭގައި ތައާރަފްކޮށް، އެޕް ތެރެއިން އަވަހަށް ފޮޓޯ ނުވަތަ ވީޑިއޯ ސްނެޕްކޮށް، ޗެޓް ކުރުމުގެ ތެރޭގައި ހިއްސާ ކުރެވޭނެގޮތް ހަދައިފިއެވެ.
އަޕްޑޭޓްކޮށްފައިވާ "މަލްޓިމީޑިއާ ޕިކާ" ކެމެރާ އިންޓަފޭސް އަކީ ކުރިން ޗެޓް ވިންޑޯއަކުން މީޑިއާ ނެގުމަށް މަސައްކަތްކުރާއިރު، ހަމައެކަނި ސިސްޓަމްގެ ޑިފޯލްޓް ކެމެރާ އެޕް ހުޅުވުމުގެ ބަދަލުގައި ގޫގުލް މެސެޖްސްގެ ތެރެއިން ބޭނުންވާ ކެމެރާއެއް ހުޅުވައި ފޮޓޯ ނަގައި ވަގުތުން ފޮނުވާލެވޭ އަޕްޑޭޓެކެވެ.
މި އަޕްޑޭޓްގައި ގޫގުލްގެ ކޮމްޕޯޒް ޔޫއައި ޓޫލްކިޓް ބޭނުންކޮށްގެން ހަދާފައިވާ އާ އިން-އެޕް ކެމެރާ ޔޫއައި އަށްވުރެ ބޮޑަށް ސްޓްރިޕްޑައުން، ކޮންވަޒޭޝަން ފޯކަސްޑް ޑިޒައިންތައް ހިމެނެއެވެ. އޭގެ ތެރޭގައި ޒޫމް ކޮންޓްރޯލާއި ފްލޭޝް ޓޮގްލްގެ އިތުރުން ފޮޓޯ އާއި ވީޑިއޯ ކެޕްޗާ މޯޑްތަކުގެ މެދުގައި ފަސޭހައިން ބަދަލުވުމުގެ ގާބިލުކަން ހިމެނެއެވެ.
ކެޕްޝަން..
މެސެޖްސް ޓެކްސްޓް ފީލްޑުން ކެމެރާ ނަގާއިރު، ތަފާތު އޮޕްޝަންތައް ޚިޔާރު ކުރުމަށް އާ ބަޓަންތައް ފެންނާނެއެވެ. އެންމެ މަތީ ކަނާތް ފަރާތުގައި ހުންނަ ބަޓަނުން ވެސް ކުރިމައްޗާއި ފަހަތު ކެމެރާއާ ދެމެދު ބަދަލު ކުރެވޭނެއެވެ.
މިއަޕްޑޭޓް އަދި ލިބޭނީ ގޫގުލް މެސެޖްސްގެ ބީޓާ ވާޝަންގައި އެންމެފަހުގެ އަޕްޑޭޓްގައެވެ.
ގޫގުލްއިން އަންނަނީ އެ ކުންފުނީގެ މުވާސަލާތީ އެޕްލިކޭޝަންތަކާއި މެސެޖްސް، މީޓް އަދި ވޮއިސް ފަދަ ހިދުމަތްތައް އަޕްޑޭޓް ކުރަމުންނެވެ. އެންމެ ފަހުގެ މެސެޖްސް ކެމެރާ އަޕްގްރޭޑް ކުރުމުގެ ސަބަބުން އިތުރު އިންޓަގްރޭޓެޑް މީޑިއާ ކެޕްޗާ އާއި ޝެއާކުރުމުގެ ވަސީލަތްތަކަށް ބާރު އެޅެއެވެ.
ގޫގުލް މެސެޖް އެޕްގައި ކުރިން ހުރި ފީޗާތަކާއެކު އާ ފީޗާތައް އިތުރުވުމުން އެންޑްރޮއިޑް ބޭނުންކުރާ ފަރާތްތަކުގެ މެދުގައި އެ އެޕަށް އޮތް ޝައުޤުވެރިކަން އިތުވާނެކަމަށް ބެލެވެއެވެ.