ގޯލްޑަން ފުޓްސަލް މުބާރާތުގެ މެޗުތައް ކުރިއަށްދާ ދުވަސްދުވަހު ހުޅުމާލެ ރެހެންދި ޓާފުގައި ބަހައްޓާފައި ހުންނަ އުރީދޫ ޓެންޓުން އުރީދޫގެ ޚިދުމަތެއް ހޯދައިގެން ކޮންމެ ހަފުތާއަކު އަގުހުރި އިނާމެއް ލިބޭ ޕްރޮމޯޝަންގެ ފުރަތަމަ ތިން ހަފުތާގެ ނަސީބުވެރިން ހޮވައި، އިނާމު ހަވާލުކޮށްފިއެވެ.
މިހާރު ކުރިއަށްދާ ގޯލްޑަން ފުޓްސަލް ޗެލެންޖުގައި އުރީދޫ މޯލްޑިވްސްގެ ވަރަށް ހާއްސަ އޮފާއެއް ކުރިއަށް ގެންދެއެވެ.
އުރީދޫ މޯލްޑިވްސްގެ ޕްރީޕެއިޑް، ޕޯސްޓްޕެއިޑް ނުވަތަ ސުޕަނެޓް ޙިދުމަތް އަދި ފައިވް ޖީ ޑިވައިސްއެއް ނެގި ކަމުގައިވިޔަސް މި ލަކީޑްރޯގައި ބައިވެރިވެވޭނެކަމަށް އުރީދޫން ބުންޏެވެ. އަގުހުރި އެތައް އިނާމެއް ހިމެނިފައިވާއިރު، މީގެ ތެރޭގައި ޓީވީ، ފްރިޖް، ސޯފާ، އަވަން ފަދަ ބޭނުންތެރި އިނާމުތައް އުރީދޫން ވަނީ ހިމަނާފައެވެ.
މި ލަކީޑްރޯގެ ފުރަތަމަ ހަފުތާގެ ނަސީބުވެރިޔަކަށް ހޮވުނު ފަރާތަށް ލިބުނީ 203 ލީޓަރުގެ ރެފްރިޖެރޭޓާއެކެވެ. ދެވަނަ ހަފުތާގެ ނަސީބުވެރިޔާއަށް އަވަނެއް ލިބުނެވެ. އަދި، ތިންވަނަ ހަފުތާގެ ނަސީބުވެރިޔަކަށް ހޮވުނު ފަރާތަށް ލިބުނީ ސޯފާއެކެވެ.
މި ޕްރޮމޯޝަން ކުރިއަށްދާނީ މާރިޗު މަހު ގޯލްޑަން ފުޓްސަލް ޗެލެންޖު ނިމުމާ ހަމައަށެވެ. ރެހެންދި ޓާފުގައި ބެހައްޓާފައިިހުރި އުރީދޫ ޓެންޓުގައި އުރީދޫ ޓީމުން ކަސްޓްމަރުންނަށް އެހީތެރިވުމަށް ހަރަކާތްތެރިވަމުންދާނެއެވެ.