ރާއްޖޭގައި ބާއްވާ އެންމެ ބޮޑު ފުޓްސަލް މުބާރާތް ކަމަށްވާ ގޯލްޑެން ފުޓްސެލް މުބާރާތް، ރާއްޖޭގެ އެކި ކަންކޮޅުތަކުން ބައިވެރިވާ 129 ޓީމަކާއެކު ފަށައިފިއެވެ.
އެ މުބާރާތުގެ ހުޅުވުމުގެ ރަސްމިއްޔާތާއެކު ފުރަތަމަ މެޗު އިއްޔެ ވަނީ ކުޅެފައެވެ.
ގޯލްޑަން ފުޓްސަލް ޗެލެންޖްގެ ޕްލެޓިނަމް ޕާޓްނަރަކީ އުރީދޫ މޯލްޑިވްސް އެވެ.
އުރީދޫއިން ބުނީ، އެ ކުންފުންޏަކީ އަބަދުވެސް ރާއްޖޭގެ އެކި ކަންކޮޅުތަކުގައި ޒުވާނުންނާއި ކުޅިވަރުގެ ހަރަކާތްތަކަށް އެހީތެރިކަން ފޯރުކޮށްދެމުން އަންނަ ކުންފުންޏެއް ކަމަށެވެ.
ގޯލްޑަން ފުޓްސަލް ޗެލެންޖަކީ މީހުން ދިރިއުޅޭ ކޮންމެ ރަށަކުން ވެސް އެ ރަށަކަށް ނިސްބަތްވާ އެއް ޓީމަށް ހުޅުވާލައިގެން ކުރިއަށްގެންދާ މުބާރާތެކެވެ. ނަމަވެސް މާލެއާއި ފުވައްމުލަކުގެ ކޮންމެ އަވަށަކުން ޓީމެއް ބައިވެރިކުރުމުގެ ފުރުސަތު ވެސް އެ މުބާރާތުގައި ވަނީ ހުޅުވާލައިފައެވެ.