އދ. ދަނގެތިން ކުޑަ އިންޖީނު ދޯންޏެއްގައި އެކަނި މަހަށް ނުކުތް އުމުރުން ދުވަސްވީ މީހަކު ގެއްލިގެން ހޯދަން ފަށައިފިއެވެ.
މަހަށް ދިޔަ ގޮތަށް ޚަބަރެއް ނުވެގެން ހޯދަމުން އަންނަނީ، ދަނގެތި، މޫންލައިޓް، ޔޫސުފް އިބްރާހީމެވެ.
މިކަމާ ގުޅިގެން އެ ރަށު ކައުންސިލްގެ ރައީސް މުއާވިއަތު ރަޝީދު "ސަން"އާ ވާހަކަ ދައްކަމުން ވިދާޅުވީ، އެ މީހާ މަހަށް ފުރީ މިއަދު ފަތިހުގެ ވަގުތެއްގައި ކަމަށެވެ. އަދި އެއީ އަބަދު ވެސް މަހަށް ނުކުމެ އުޅޭ މީހެއް ކަމަށާއި އޭނާގެ އުމުރުން މިހާރު 65 އަހަރުން މަތިވެފައިވާ ކަމަށް މުއާވިއަތު ވިދާޅުވިއެވެ.
މުއާވިއަތު ވިދާޅުވީ، ގެއްލުނު މީހާ ހޯދުމުގެ މަސައްކަތް މިހާރު ކުރިއަށް ދާކަމަށެވެ. އެ މީހާ ހޯދުމުގެ މަސައްކަތް އެމްއެންޑީއެފުން ވެސް މިހާރު ވަނީ ފަށާފައެވެ.
އެމްއެންޑީއެފުން ބުނީ އޭނާ ގެއްލުނުކަމުގެ ރިޕޯޓު ލިބުނީ މިއަދު 11:42ހާއިރު ކަމަށެވެ.