މުހައްމަދު ވަހީދުއްދީން (ޑީން) ރައީސުލްޖުމްހޫރިއްޔާގެ ނައިބުކަމުގެ ހުވާ މިއަދު ކުރައްވައިފި އެވެ. މިއަދު ހަވީރު ރައްޔިތުންގެ މަޖިލީސް ކުރާ ގޭގައި ބޭއްވި ރަސްމިޔާތުގައި ގާނޫނު އަސާސީގެ 114 ވަނަ މާއްދާގެ ދަށުން ނައިބު ރައީސް ކަމުގެ ހުވާ ލައިދެއްވީ އުއްތަމަ ފަނޑިޔާރު އަހްމަދު ފާއިޒު ހުސެއިންނެވެ. އެ ރަސްމިޔާތުގައި ރައީސުލް ޖުމްހޫރިއްޔާ ޑރ. މުހައްމަދު ވަހީދު ހަސަން މަނިކާއި ރައްޔިތުން މަޖިލީހުގެ ރައީސް އަބްދުﷲ ޝާހިދުގެ އިތުރުން ރައްޔިތުން މަޖިލީހުގެ ނައިބު ރައީސް އަހްމަދު ނާޒިމު ބައިވެރިވެވަޑައިގަތެވެ. ރައީސުލްޖުމްހޫރިއްޔާގެ ނައިބު ކަމަށް ވަހީދުއްދީން އައްޔަން ކުރެއްވުމަށް ފަހު ރައްޔިތުން މަޖިލީހަށް ރުހުން ހޯދެއްވުމަށް މަޖިލީހަށް ފޮނުއްވުމުން އެމަނިކުފާނަށް ރައްޔިތުން މަޖިލީސް މެންބަރުންގެ މިއަދު ވަނީ ރުހުންދީފަ އެވެ.
date_range
ހޮނިހިރު 23 ނޮވެމްބަރ 2024