ގިނަ އަދަދެއްގެ ބައިވެރިން ތަކަކާއެކު ގައުމީ ޓޭބަލް ޓެނިސް މުބާރާތުގެ ކުޅުން ފަށައިފިއެވެ.
60 ވަނަ ގައުމީ ޓީޓީ މުބާރާތް އިއްޔެ ފެށިއިރު، މުބާރާތް ކުރިއަށްދާނީ މި މަހުގެ 30 ވަނަ ދުވަހާ ދެމެދުއެވެ. މުބާރާތުގެ މެޗުތައް ކުޅޭނީ މާލޭ ޓޭބަލް ޓެނިސް ހޯލުގައެވެ.
65 ކުޅުންތެރިން މިފަހަރުގެ މުބާރާތުގައި ވާދަކުރާއިރު، މުބާރާތް ކުރިއަށްދާނީ ތިން ކެޓަގަރީއަކަށް ބަހާލައިގެންނެވެ. އެއީ 13 އަހަރުން ދަށް، 17 އަހަރުން ދަށް އަދި ފުރަތަމަ ޑިވިޝަނެވެ.
ބޮޑު ތަރުހީބެއް މި ފަހަރުގެ މުބާރާތަށް ލިބިފައިވާއިރު، މި މުބާރާތުގައި ފުވައްމުލަކުގެ ޖޫނިއާ ޓީމެއް ވެސް ބައިވެރިވެއެވެ. މިއީ މި މުބާރާތުގެ ތާރީޚުގައި ވެސް މާލެއިން ބޭރުން ރަނގަޅު ތަމްރީންތަކަކާއެކު މުބާރާތުގައި ޖޫނިއާ ކުޅުންތެރިން ވާދަކުރާ ފުރަތަމަ ފަހަރުކަން ފާހަގަކޮށްލެވެއެވެ.
އިއްޔެއިން ފެށިގެން ގައުމީ ޓީޓީ މުބާރާތުގެ މެޗުތައް ކުޅެން ފަށާފައިވާއިރު، މިއީ ރާއްޖޭގައި ބާއްވާ ޓީޓީގެ އެންމެ ގިނަ ދުވަސްވީ މުބާރާތެވެ.