ޚާއްސަ ޕްރޮމޯޝަނަކާއެކު މީޑިއާނެޓުގެ ވޯލްޑްކަޕް ކިކްއޮފް ހަރަކާތް ފަށައިފިއެވެ.
ވޯލްޑްކަޕްގެ ރާއްޖޭގެ ލައިސެންސްޑް ބްރޯޑްކާސްޓަރު މީޑިއާނެޓުން އެ ހަރަކާތް ފަށާފައިވަނީ މިއަދު ހަވީރު 04:00 ގައެވެ. އެ ހަރަކާތް މިރޭ 11:00އަށް ކުރިއަށް ދާނެއެވެ.
ސޯޝަލް ސެންޓަރުގައި ކުރިއަށްދާ އެ އިވެންޓުގައި މީޑިއާނެޓުން ވޯލްޑްކަޕްގެ ފޯރިއާ ގުޅިގެން ވަރަށް ހާއްސަ ޕޮރޮމޯޝަނެއް ތައާރަފުކުރަން ވެސް ވަނީ ނިންމާފައެވެ. އެ ޕޮރޮމޯޝަންގެ އިތުރު މައުލޫމާތު އިވެންޓުން ލިބޭނެކަމަށް މީޑިއާނެޓުން ބުންްޏެވެ.
އެ ހަރަކާތުގައި ކުޑަކުދިންގެ ހަވީރެއްގެ އިތުރުން މިރޭ 08:00އިން ފެށިގެން ބޮޑުބެރުގެ ހަރަކާތެއް ވެސް ބާއްވަން ވަނީ ނިންމާފައިއެވެ. މީގެ އިތުރުން އިވެންޓަށް ޒިޔާރަތްކުރާ ފަރާތްތަކަށް ބައިވެރިވެވޭނެ ގޮތަށް ތަފާތު ހަރަކާތްތަކާއި ހަދިޔާ ދިނުމަށް ވެސް ވަނީ ނިންމާފައިއެވެ.
ފޯރިގަދަ މެޗުތަކަކާއެކު މިއަހަރުގެ ފީފާ ވޯލްޑް ކަޕް ގަތަރު 2022 ފެށުމަށް ހަމަޖެހިފައިވަނީ މި މަހުގެ 20 ވަނަ ދުވަހުގައެވެ. މީގެ އިތުރުން މި މުބާރާތަށް ތައްޔާރުވުމުގެ ގޮތުން، އެކިއެކި ޕްރޮގްރާމްތަކާއި، ބެލުންތެރިންނަށް ފޭންޒޯންސް އަދި ރޯޑް ޝޯ ފަދަ ކުލަގަދަ ހަރާކާތްތައް މީޑީއާނެޓުން ވަނީ ރާވައިފައެވެ.