މިހާރު ކުރިއަށްދާ ސައުތު އޭޝިއަން ކެޑޭޓް އެންޑް ޖޫނިއާ ޗެމްޕިއަންޝިޕްގެ ޓީމް އިވެންޓްސްގެ ގްރޫފް ސްޓޭޖްގެ ހުރިހާ މެޗަކުން މޮޅުވެ ރާއްޖެ މުބާރާތުގެ ސެމީ ފައިނަަލަށް ދަތުރުކޮށްފިއެވެ.
ޒުވާނުންގެ މަރުކަޒުގެ އެތެރޭ ހޯލުގައި ކުޅޭ މި މުބާރާތުގެ ޓިމް އިވެންޓްސްގެ ފުރަތަމަ މެޗުގައި ރާއްޖެ ނިކުތީ ޕާކިސްތާނާ ދެކޮޅަށެވެ. އެ މެޗު ރާއްޖެއިން ކާމިޔާބުކޮށްފައި ވަނީ 3-1 ގެ ނަތީޖާއަކުންނެވެ.
ފުރަތަަމަ ގޭމުގައި ޕާކިސްތާނުގެ ހައިކާއާ ދެކޮޅަށް ކުޅެފައިވަނީ ރާއްޖޭގެ އައިޝަތު ރަފާ ނާޒިމްއެވެ. އެ ގޭމް ރަފާ ކާމިޔާބުކޮށްފައިވަނީ ސީދާ ތިން ސެޓުންނެވެ. ފުރަތަމަ ސެޓު ރަފާ ކާމިޔާބުކުރީ 9-11 އިންނެވެ. އަދި ދެ ވަނަ ސެޓު ކާމިޔާބުކޮށްފައިވަނީ 11-8 އިންނެވެ. ފަހު ސެޓު ރަފާ ހޯދާފައިވަނީ 9-11 އިންނެވެ.
ދެ ވަނަ ގޭމުގައި ރާއްޖޭގެ ފާތިމަތު ދީމާ އަލީ ނިކުތީ ޕާކިސްތާނުގެ ޒަމާން ހާންއާ ދެކޮޅަށެވެ. އެ ގޭމު ދީމާ ކާމިޔާބުކުރީ ސީދާ ތިން ސެޓުންނެވެ. އެއީފުރަތަމަ ސެޓު 8-11 އިން ކާމިޔާބުކޮށް، ދެ ވަނަ ސެޓު 0-11 އިން ކާމިޔާބުކޮށް އަދި ފަހު ސެޓު 11-1 އިން ކާމިޔާބުކޮށްގެންނެވެ.
ތިން ވަނަ ސެޓުގައި ރާއްޖޭގެ މިޝްކާ މުހައްމަދު ވަނީ ޕާކިސްތާނުގެ ކުލްސޫމުގެ އަތުން ބަލިވެފައެވެ. މެޗުގެ ފުރަތަމަ ދެ ސެޓި މިޝްކާ ކާމިޔާބުކުރިނަމަވެސް، ކުލްސޫމް ވަނީ ފަހަތުން އަރައި ތިން ސެޓު ހޯދާފައެވެ. ފުރަތަމަ ދެ ސެޓު މިޝްކާ ހޯދާފައިވަނީ 6-11 އަދި 5-11 އިންނެވެ. ނަމަވެސް ކުލްސޫމްތިން ސެޓު ހޯދާފައިވަނީ 6-11، 13-11 އަދި 11-3 އިންނެވެ.
ހަތަރު ވަނަ ގޭމު ކާމިޔާބުކޮށް ރާއްޖެ ެމޗުން މޮލު ކޯށްދިނީ ދީމާއެވެ. އެއީ ގޭމު ސީދާ ތިން ސެޓުން ކާމިޔާބުކޮށްގެންނެވެ. ސެޓުތައް ދީމާ ކާމިޔާބުކުރީ 7-11، 5-11 އަދި 3-11 އިންނެވެ.
ދެ ވަނަ މެޗުގައި ރާއްޖެ ނިކުތީ ނޭޕާލާ ދެކޮޅަށެވެ. މި މެޗު ރާއްޖެއިން ކާމިޔާބުކޮށްފައިވަނީ ސީދާ ތިން ސެޓުންނެވެ. މި ގޭމުގެ ފުރަތަމަ ސެޓުގައި ކުޅެން ނިކުތީ ދީމާއެވެ. ދީމާ ފުރަތަނަ ސެޓު ކާމިޔާބުކޯށްފައިވަނީ 9-11 އިންނެވެ. ނަމަވެސް ނޭޕާލުގެ ބިއަންކާ ވަނީ 12-10 އިން ދެ ވަނަ ސެޓު ހޯދާފައެވެ. ފަހުދެ ސެޓު ވެސް ދިމާ ވަނީ ކާމިޔާބުކޮށްފައެވެ. އެއީ 11-8 އަދި 10-12 އިންނެވެ.
ދެ ވަނަ ގޭމުގައި ނޭޕާލްގެ އިވާނާއާ ދެކޮޅަށް ނިކުމެ ރަފާ ކާމިޔާބުކުރީ ސީދާ ތިން ސެޓުންނެވެ. އެއީ 8-11، 4-11 އަދި 8-11 އިންނެވެ.
ތިން ވަނަ ގޭމުގައި މިފަހަރު ވެސް ކުޅެން ނިކުމެފައިވަނީ މިޝްކާއެވެ. ގޭމުގެ ފުރަތަމަ ސެޓު 9-1 އިން ކާމިޔާބުކޮށްފައިވަނީ ނޭޕާލްގެ ޝުބަޝްރީއެވެ. ނަމަވެސް މިޝްކާ ވަނީ ތަފާތު މޮޅު ކުޅުމެއް ދައްކައި ފަހު ތިން ސެޓު ކާމިޔާބުށްފައެވެ. އެއީ 11-13، 05،11 އަދި 6-11 އިންނެވެ.
މުބާރާތުގެ ސެމީ ފައިނަލްގައި މާދަމާ ރާއްޖެ ނިކުންނާނީ އަނެއް ގްރޫޕްގެ ދެ ވަނަ ސްރީ ލަންކާ އާ ދެކޮޅަށެވެ.