މަޝްހޫރު ޑައިރެކްޓަރު މޫމިން ފުއާދުގެ އާ ވެބް ޝޯއެއް ބައިސްކޯފުން ދައްކަން ފަށައިފިއެވެ.
ބައިސްކޯފުގެ އޮރިޖިނަލް ޝޯ މީގެ ކުރިން ވެސް އުފައްދާފައިވާ މޫމިންގެ އާ ޝޯ އަށް ކިޔަނީ "ނެތީމޭ" އެވެ. ރޭގައި ދައްކަން ފަށާފައިވާ މި ޝޯއަކީ މޫމިން ލިޔެ ޑައިރެކްޓް ކޮށްގެން ދައްކަން ފަށާފައިވާ ޝޯއެކެވެ.
ލޯބީގެ ކްރައިމް ޝޯއެއްގެ ގޮތުގައި ޕްރޮމޯޓު ކުރާ މި ޝޯއިން އިޖުތިމާއީ އެކި ކަހަލަ މައްސަލަތައް ފެނިގެންދާނެއެވެ. ނެތީމޭ މި ޝޯއިން އެކްޓަރުންގެ ގޮތުގައި ފެނިގެންދާނީ މިހާރު މަގުބޫލުކަން ހޯދަމުން އަންނަ ތަރިން ކަމަށްވާ ވާޝިޔާ އާއި ނަތާޝާއެވެ. މަޝްރޫތު ތަރިން ކަމަށްވާ ޝަކީލާ އާދަމް އާއި އިސްމާއީލް ރަޝީދު (ކޮޕީ އިއްސެ) ވެސް މި ޝޯއިން ފެންނާނެއެވެ.
The long wait is almost over.
— Baiskoafu (@baiskoafu)
‘Netheemey’ is coming exclusively to #Baiskoafu this Thursday. pic.twitter.com/TeoIVJBLQX
ކޮންމެ ބުރާސްފަތި ދުވަހެއްގައި ދައްކާ މި ޝޯގެ ފުރަތަމަ ސީޒަންގައި ފަސް އެޕިސޯޑް ހިމެނެއެވެ.
މޫމިން ފުއާދަކީ ތަފާތު އެކި ކަހަލަ ޝޯތައް އުފެއްދުމަށް ފާހަގަކޮށްލެވޭ ޑައިރެކްޓަރެކެވެ. އޭނާގެ އެންމެ ފާހަގަކޮށްލެވޭ އެއް ޝޯއަކީ ބައިސްކޯފު މެދުވެރިކޮށް ނެރުނު އެއް ޝޯ ކަމަށްވާ "ގަމިނި" އެވެ. ތުރިލާއެއްގެ ގޮތުގައި ނެރުނު އެ ޝޯގައި މުޖުތަމައުން ފެންނަ އެކި ކަހަލަ މައްސަލަތައް ދައްކުވައިދެއެވެ.
