ފަސޭހަކަމާއެކު ވިންޑޯސް 11 ކޮމްޕިއުޓަރުތަކަށް އިންސްޓޯލްކުރެވޭނެ ގޮތް މައިކްރޮސޮފްޓުން ހަދައިފިއެވެ.
އެ ކުންފުނީގެ ކަސްޓަމަރުންނަށް މިހާރު އެމީހުންގެ ކޮމްޕިއުޓަރުތަކަށް ވިންޑޯސް 11ގެ ބޭޓާ ވާޝަން ފަސޭހަކަމާއެކު އެޅޭނެއެވެ.
އަދި އައިއެސްއޯ ފައިލް ބޭނުންކޮށްގެން ވިންޑޯސް 10 އަކުން ވިންޑޯސް 11 އަކަށް އަޕްޑޭޓުވެސް ކުރެވޭނެއެވެ.
ވިންޑޯސް 11 ގެ އައިއެސްއޯ ފައިލް ބޭނުންވާ ފަރާތްތަކުން މައިކްރޮސޮފްޓު ވެބްސައިޓު މެދުވެރިކޮށް ވިންޑޯސް އިންސައިޑާއެއްގެ ގޮތުގައި ރެޖިސްޓާ ކުރަންޖެހެއެވެ.
މައިކްރޮސޮފްޓު ކުންފުނީން ވަނީ މިވަގުތުގައި ވިންޑޯސް 11 އިންސައިޑާ ޕްރިވިއު ބިލްޑު ކަސްޓަމަރުންނަށް ޑައުންލޯޑު ކުރެވޭގޮތް ހަދާފައެވެ.
އައިއެސްއޯ ފައިލު މެދުވެރިކޮށް ވިންޑޯސް 11 އިންސްޓޯލް ބޭނުންވާ ފަރާތްތަކުންގެ އަތުގައި ވިންޑޯސް 10 ގެ ލައިސެންސް އޮންނަން ޖެހެއެވެ.
ވިންޑޯސް 11ގެ އާ ފީޗާސްތަކުގެ ތެރޭގައި އަލުން ފަރުމާ ކުރެވިފަވާ ޓާސްކްބާ އަދި ސްޓާޓް މެނިއު އާއި އާ ޗެޓް އެޕް އަދި މައިކްރޯސޮފްޓުގެ ޓީމްސް އިންޓެގްރޭޝަން ހިމެނެއެވެ.
އަދި މައިކްރޮސޮފްޓުން ވަނީ އާ ޕެއިންޓު އެޕެއްވެސް ވިންޑޯސް 11 ގައި ހިމެނޭނެ ކަމަށް ބުނެފައެވެ.