މިނިސްޓަރު އޮފް އިސްލާމިކް އެފެއާޒް ކަމަށާއި މިނިސްޓަރު އޮފް ހައުސިން އެންޑް އެންވަޔަރަންމަންޓް ކަމަށް ބޭފުޅުން ޢައްޔަން ކުރައްވައި، އެ ދެ ބޭފުޅުންނަށް މަގާމުގެ ފަތްކޮޅު މިއަދު ދެއްވައިފި އެވެ.
މިނިސްޓަރު އޮފް އިސްލާމިކް އެފެއާޒް ކަމުގެ މަގާމަށް ރައީސުލްޖުމްހޫރިއްޔާ ޑރ. މުހައްމަދު ވަހީދު ހަސަން މަނިކު ޢައްޔަން ކުރެއްވީ ގއ. މާމެންދޫ ސަޢީދު މަންޒިލް އައްޝައިޚް މުޙަންމަދު ޝަހީމް ޢަލީ ސަޢީދެވެ. އަދި، މިނިސްޓަރު އޮފް ހައުސިން އެންޑް އެންވަޔަރަންމަންޓް ކަމުގެ މަގާމަށް ޢައްޔަން ކުރެއްވީ، މާފަންނު ދިމްޔާތު ޑޮކްޓަރު މުޙަންމަދު މުޢިއްޒެވެ.
އެ ދެ ބޭފުޅުންނަށް މަގާމުގެ ފަތްކޮޅު ދެއްވުމުގެ ކުރިން، އެ ދެ ބޭފުޅުން، ވަޒީރުންގެ މަޖިލީހުގެ މެންބަރުކަމުގެ ހުވާ، ސުޕްރީމް ކޯޓުގެ ފަނޑިޔާރު އަލްއުސްތާޛު ޢަބްދުﷲ ޢަރީފްގެ ކުރިފުޅުމަތީގައި ކުރެއްވި އެވެ. ހުވާކުރެއްވުމަށް ފަހު، ވަޒީރުންގެ މަޖިލީހުގެ މެންބަރުންގެ ހުވާގެ އިޤްރާރުގައި ސޮއިކުރެއްވި އެވެ.
date_range
ހޯމަ 18 ނޮވެމްބަރ 2024