އައިލެންޑް ބެވްރޭޖަސް މޯލްޑިވްސް (އައިބީއެމް) އަށް ފުރަތަމަ ފަހަރަށް ބްރޭންޑް އެމްބެސެޑަރުން އައްޔަނުކޮށްފި އެވެ.
އައިބީއެމް އިން އުފައްދާ "ތާޒާ" ފެން މާކެޓު ކުރުމަށް އެމްބެސެޑަރުންގެ ގޮތުގައި ހަމަޖައްސާފައި ވަނީ ފުޓްބޯޅަ ލެޖެންޑު އަލީ އަޝްފާގު (ދަގަނޑޭ) އާއި ފިލްމީ ތަރި ނާޝިދާ މުހައްމަދު (ނާއްކޮ) އެވެ.
އައިބީއެމް އިން ބުނީ އެމްބެސެޑަރުންގެ މަސައްކަތަކަށް ވާނީ ތާޒާ ބްރޭންްޑު މާކެޓުކޮށް އިވެންޓުތަކުގައި ހަރަކާތްތެރިވުން ކަމަށެވެ.
އެމްބެސެޑަރުންގެ އަމިއްލަ ސޯޝަލް މީޑިއާ އެކައުންޓު މެދުވެރިކޮށް ވެސް ތާޒާ ފެން އިޝްތިހާރު ކުރުމުގެ މަސައްކަތް ކުރާނެ ކަމަށް އައިބީއެމް އިން ބުންޏެވެ.